BJPಗೆ ಸೆಡ್ಡು ಹೊಡೆದಿದ್ದ ಜಿಗ್ನೇಶ್, ಅಲ್ಪೇಶ್ ಠಾಕೂರ್ ಜಯಭೇರಿ

Team Udayavani, Dec 18, 2017, 12:37 PM IST

ಅಹಮ್ಮದಾಬಾದ್: ಗುಜರಾತ್ ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿ ಮತ್ತೆ ಅಧಿಕಾರವನ್ನು ಉಳಿಸಿಕೊಂಡಿದ್ದು 100 ಸ್ಥಾನಗಳನ್ನು ಪಡೆದಿದೆ. ಕಾಂಗ್ರೆಸ್ ಪಕ್ಷ 79 ಸ್ಥಾನ ಪಡೆದಿದೆ. ಏತನ್ಮಧ್ಯೆ ಬಿಜೆಪಿಗೆ ಸೆಡ್ಡು ಹೊಡೆದಿದ್ದ ಜಿಗ್ನೇಶ್ ಜಯಭೇರಿ ಬಾರಿಸಿದ್ದರೆ, ಅಲ್ಪೇಶ್ ಠಾಕೂರ್ ಜಯಭೇರಿ ಬಾರಿಸಿದ್ದಾರೆ.

ಗುಜರಾತ್ ನ ಅತಿ ದೊಡ್ಡ ವಿಧಾನಸಭಾ ಕ್ಷೇತ್ರಗಳಲ್ಲೊಂದಾದ ರಾಧಾನ್ ಪುರ್ ನಿಂದ ಅಖಾಡಕ್ಕಿಳಿದಿದ್ದ ಒಬಿಸಿ ಹೋರಾಟಗಾರ, ಕಾಂಗ್ರೆಸ್ ಅಭ್ಯರ್ಥಿ ಅಲ್ಪೇಶ್ ಠಾಕೂರ್ ತನ್ನ ಎದುರಾಳಿ ಬಿಜೆಪಿಯ ಸೋಲಂಕಿ ಠಾಕೂರ್ ವಿರುದ್ಧ ಜಯಭೇರಿ ಬಾರಿಸಿದ್ದಾರೆ.

ಅದೇ ರೀತಿ ಕಾಂಗ್ರೆಸ್, ಆಪ್ ಬೆಂಬಲಿತ ದಲಿತ ಮುಖಂಡ ಪಕ್ಷೇತರ ಅಭ್ಯರ್ಥಿ ಜಿಗ್ನೇಶ್ ಮೆವಾನಿ(35ವರ್ಷ) ಗುಜರಾತ್ ನ ವಡ್ಗಾಮ್ ವಿಧಾನಸಭಾ ಕ್ಷೇತ್ರದಲ್ಲಿ ಜಯ ಸಾಧಿಸಿದ್ದಾರೆ.

ಗುಜರಾತ್ ಬಿಜೆಪಿ ಸಿಎಂ ಅಭ್ಯರ್ಥಿ ವಿಜಯ್ ರೂಪಾನಿ ರಾಜ್ ಕೋಟ್ ಪಶ್ಚಿಮ ಕ್ಷೇತ್ರವನ್ನು ಉಳಿಸಿಕೊಳ್ಳುವ ಮೂಲಕ ಗೆಲುವಿನ ನಗು ಬೀರಿದ್ದಾರೆ.