ಬಡ್ಡಿಯಿಲ್ಲದೇ ವಸ್ತು ಸಾಲ ಕೊಡುತ್ತೆ ಅಮೆಜಾನ್‌!

Team Udayavani, Apr 30, 2020, 1:07 PM IST

ಸಾಂದರ್ಭಿಕ ಚಿತ್ರ

ಮುಂಬೈ: ಕೋವಿಡ್ ದಿಂದ ಸಂಕಷ್ಟದಲ್ಲಿರುವ ಭಾರತೀಯರಿಗೆ ನೆರವಾಗಲು ಅಮೆಜಾನ್‌ ಇಂಡಿಯಾ ಅಪೂರ್ವ ಅವಕಾಶ ನೀಡಿದೆ. ಗ್ರಾಹಕರು ಅಮೆಜಾನ್‌ನಲ್ಲಿರುವ ಯಾವುದೇ ವಸ್ತುವನ್ನು ಸಾಲವಾಗಿ ಕೊಳ್ಳಬಹುದು. ಹಣವನ್ನು ಮುಂದಿನ ತಿಂಗಳು ಯಾವುದೇ ಬಡ್ಡಿದರವಿಲ್ಲದೇ ಕಟ್ಟಿದರಾಯಿತು! ಅಮೆಜಾನ್‌ ಪೇ ಲೇಟರ್‌ ಇನ್‌ ಇಂಡಿಯಾ ಎಂಬ ಹೆಸರಿನ ಈ ಯೋಜನೆ, ಕೋವಿಡ್ ದಿಗ್ಬಂಧನದ ಸಂದರ್ಭದಲ್ಲಿಯೂ ಬಳಕೆಗೆ ಲಭ್ಯವಿದೆ.

ಕಂತಿನ ಅವಕಾಶ: 12 ತಿಂಗಳ ಮಾಸಿಕ ಕಂತಿನಲ್ಲೂ ಕೊಳ್ಳಬಹುದು. ಇದಕ್ಕೆ ಆರಂಭಿಕವಾಗಿ ಶೇ.1.5ರಿಂದ 2ರಷ್ಟು ಬಡ್ಡಿಯಿದ್ದು, ಕಡೆಗೆಕಡೆಗೆ ಶೂನ್ಯಕ್ಕಿಳಿಯುತ್ತದೆ. ಕನಿಷ್ಠ 1 ರೂ.ನಿಂದ ಗರಿಷ್ಠ 60,000 ರೂ. ವರೆಗೆ ಸಾಲವಾಗಿ ಖರೀದಿಸಲು ಅವಕಾಶವಿದೆ.

ಹೇಗೆ?: ಗ್ರಾಹಕರು ಅಮೆಜಾನ್‌ ಪೇ ಸೇವೆಗೆ ಮೊದಲು ನೋಂದಾಯಿಸಿಕೊಳ್ಳಬೇಕು. ಸದ್ಯ ಇದನ್ನು ಮೊಬೈಲ್‌ ಆ್ಯಪ್‌ನಲ್ಲಿ ಮಾತ್ರ ಮಾಡಲು ಸಾಧ್ಯ. ಕಂಪ್ಯೂಟರ್‌ನಲ್ಲಿ ಈ ಸೇವೆ ಇನ್ನೂ ಆರಂಭವಾಗಿಲ್ಲ. ನಿಮ್ಮ ಗ್ರಾಹಕರನ್ನು ತಿಳಿಯಿರಿ (ಕೆವೈಸಿ) ವ್ಯವಸ್ಥೆಯಡಿ, ಗ್ರಾಹಕರು ತಮ್ಮ ಪೂರ್ಣ ಮಾಹಿತಿ ನೀಡಬೇಕು. ಅದನ್ನು ಅಮೆಜಾನ್‌ ಅಂಗೀಕರಿಸಿದ ನಂತರ ಕೊಳ್ಳುವಿಕೆಯನ್ನು ಆರಂಭಿಸಬಹುದು.