ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಗುಜರಾತ್‌ಗೆ ಇಂದಿನಿಂದ ಎರಡು ದಿನಗಳ ಭೇಟಿ

Team Udayavani, Jul 3, 2019, 11:51 AM IST

ಹೊಸದಿಲ್ಲಿ : ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರು ಎರಡು ದಿನಗಳ ಭೇಟಿಯಲ್ಲಿ ಇಂದು ಬುಧವಾರ ಜು.3ರಂದು ಗುಜರಾತ್‌ಗೆ ಬರಲಿದ್ದಾರೆ.

ಈ ಭೇಟಿಯ ವೇಳೆ ಶಾ ಅವರು ಅನೇಕ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿ ಅಹ್ಮದಾಬಾದ್‌ನಲ್ಲಿನ ಫ್ಲೈ ಓವರ್‌ ಉದ್ಘಾಟಿಸುವರು.

ಕೇಂದ್ರ ಗೃಹ ಸಚಿವರಾಗಿ ಅಧಿಕಾರ ಸ್ವೀಕರಿಸಿದ ಬಳಿಕ ಶಾ ಅವರು ಇದೇ ಮೊದಲ ಬಾರಿಗೆ ಗುಜರಾತ್‌ಗೆ ಭೇಟಿ ನೀಡುತ್ತಿದ್ದಾರೆ. ಅಹ್ಮದಾಬಾದ್‌ ನ ಆಶ್ರಮ್‌ ರಸ್ತೆಯಲ್ಲಿ ಇನ್‌ಕಮ್‌ ಟ್ಯಾಕ್ಸ್‌ ಫ್ಲೈಓವರ್‌ ಮತ್ತು ನಗರದಲ್ಲಿನ ಡಿಕೆ ಪಾಟೀಲ್‌ ಹಾಲ್‌ ಅನ್ನು ಶಾ ಉದ್ಘಾಟಿಸುವರು.

ಗುಜರಾತ್‌ ವಿವಿಯಲ್ಲಿ ನಡೆಯಲಿರುವ ಕಾರ್ಯಕ್ರಮ ಸಹಿತ ಶಾ ಅವರು ಅನೇಕ ಸಮಾರಂಭಗಳಲ್ಲಿ ಭಾಗಿಯಾಗಿ ಗುರುವಾರ ಹೊಸದಿಲ್ಲಿಗೆ ಮರಳುವರು.