ಜೈಲಿಗೆ ಹೋಗಲು ಹೆದರಲ್ಲ ಅಮೃತ್‌ಪಾಲ್‌ ಆಡಿಯೋ?

Team Udayavani, Mar 31, 2023, 6:47 AM IST

ಅಮೃತಸರ: “ನನ್ನ ಬಂಧನಕ್ಕೆ ಸಂಬಂಧಿಸಿ ನಾನು ಯಾವ ಡಿಮ್ಯಾಂಡ್‌ ಅನ್ನೂ ಮಾಡಿಲ್ಲ. ಜೈಲಿಗೆ ಹೋಗಲು ನಾನು ಹೆದರುವುದೂ ಇಲ್ಲ’. ಖಲಿಸ್ಥಾನ ಬೆಂಬಲಿಗ ಅಮೃತ್‌ಪಾಲ್‌ ಸಿಂಗ್‌ನದ್ದು ಎನ್ನಲಾದ ಆಡಿಯೋವೊಂದು ಗುರುವಾರ ಪಂಜಾಬ್‌ನಾದ್ಯಂತ ಹರಿದಾಡಿದ್ದು, ಅದರಲ್ಲಿ ಅಮೃತ್‌ಪಾಲ್‌, ಜೈಲಿಗೆ ಹೋಗಲು ತನಗೆ ಭಯವಿಲ್ಲ ಎಂದು ಹೇಳಿದ್ದಾನೆ.

ಈ ಆಡಿಯೋದ ಸತ್ಯಾಸತ್ಯತೆ ಇನ್ನೂ ದೃಢಪಟ್ಟಿಲ್ಲ. ಇದೇ ವೇಳೆ ಅಮೃತ್‌ಪಾಲ್‌ ಪ್ರಕರಣದ ವೇಳೆ ಬಂಧಿತರಾಗಿದ್ದ 360 ಯುವಕರ ಪೈಕಿ 348 ಮಂದಿಯನ್ನು ಗುರುವಾರ ಬಿಡುಗಡೆ ಮಾಡಲಾಗಿದೆ. ಉಳಿದವರನ್ನು ಶೀಘ್ರವೇ ಬಿಡುಗಡೆ ಮಾಡುವುದಾಗಿ ಪಂಜಾಬ್‌ ಸರಕಾರ ಭರವಸೆ ನೀಡಿದೆ ಎಂದು ಸಿಕ್ಖ್ರ ಪರಮೋಚ್ಚ ಸಂಸ್ಥೆ ಅಕಾಲ್‌ ತಖ್ತ್ ಹೇಳಿದೆ. 24 ಗಂಟೆಗಳ ಒಳಗಾಗಿ ಯುವಕರನ್ನು ಬಿಡುಗಡೆ ಮಾಡುವಂತೆ 2 ದಿನಗಳ ಹಿಂದೆಯಷ್ಟೇ ಅಕಾಲ್‌ ತಖ್ತ್ ಸರಕಾರಕ್ಕೆ ಗಡುವು ನೀಡಿತ್ತು. ಇನ್ನೊಂದೆಡೆ ಅಮೃತ್‌ಪಾಲ್‌ ಸಿಂಗ್‌ ಇನ್ನೂ ಪೊಲೀಸರ ಕೈಗೆ ಸಿಕ್ಕಿಲ್ಲ.