ದೋಚಲು ಬಂದ ಶಸ್ತ್ರಧಾರಿ ಕಳ್ಳರನ್ನು ಹೊಡೆದೋಡಿಸಿದ ವೃದ್ಧ ದಂಪತಿ!

Team Udayavani, Aug 13, 2019, 6:34 PM IST

ಚೆನ್ನೈ: ವೃದ್ಧ ದಂಪತಿಗಳಿದ್ದ ಮನೆಯಲ್ಲಿ ಕಳ್ಳತನಕ್ಕೆಂದು ಬಂದ ಇಬ್ಬರು ಶಸ್ತ್ರಧಾರಿ ಕಳ್ಳರನ್ನು ಧೈರ್ಯದಿಂದ ಎದುರಿಸಿ ಅವರೊಂದಿಗೆ ಹೋರಾಡಿ ಅವರು ಓಡುವಂತೆ ಮಾಡುವಲ್ಲಿ ಯಶಸ್ವಿಯಾದ ದೃಶ್ಯ ಇದೀಗ ಅವರ ಮನೆಯಲ್ಲಿ ಅಳವಡಿಸಲಾಗಿದ್ದ ಸಿಸಿಟಿವಿ ದೃಶ್ಯಾವಳಿಗಳಲ್ಲಿ ದಾಖಲಾಗಿದೆ.

ವೃದ್ಧ ದಂಪತಿ ತೋರಿಸಿರುವ ಈ ಧೈರ್ಯ ಇದೀಗ ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಗಿದೆ.

ವೃದ್ಧ ದಂಪತಿ ತೋರಿಸಿರುವ ಈ ಧೈರ್ಯ ಇದೀಗ ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಗಿದೆ. ಎಪ್ಪತ್ತು ವರ್ಷದ ಷಣ್ಮುಗವೇಲು ಮತ್ತು ಅರವತ್ತೈದು ವರ್ಷದ ಸೆಂಥಮರೈ ಎಂಬವರೇ ಈ ಸಾಹಸ ತೋರಿರುವ ದಂಪತಿಗಳಾಗಿದ್ದಾರೆ.

ತಮಿಳುನಾಡಿನ ತಿರುವನೆಳ್ಳಿ ಎಂಬಲ್ಲಿ ಈ ಘಟನೆ ನಡೆದಿರುವುದಾಗಿ ತಿಳಿದುಬಂದಿದೆ. ಸಿಸಿಸಿಟಿವಿಯಲ್ಲಿ ದಾಖಲಾಗಿರುವಂತೆ ಈ ಘಟನೆಯು ಆಗಸ್ಟ್ 11ರ ರಾತ್ರಿ ಹೊತ್ತಿನಲ್ಲಿ ನಡೆದಿದೆ. ಕಾಡಿಗೆ ಸಮೀಪವಿರುವ ತೋಟದ ಮನೆಯಲ್ಲಿ ಈ ಘಟನೆ ನಡೆದಿರುವ ಮಾಹಿತಿ ಲಭ್ಯವಾಗಿದ್ದು, ಈ ದಂಪತಿ ಕಳೆದ 40 ವರ್ಷಗಳಿಂದ ಇಲ್ಲಿ ವಾಸವಾಗಿದ್ದಾರೆ ಎಂಬ ಮಾಹಿತಿಯೂ ಲಭಿಸಿದೆ.

#WATCH Tamil Nadu: An elderly couple fight off two armed robbers who barged into the entrance of their house & tried to strangle the man, in Tirunelveli. The incident took place on the night of August 11. (date and time mentioned on the CCTV footage is incorrect) pic.twitter.com/zsPwduW916

— ANI (@ANI) August 13, 2019