Rashtrapati Bhawan; ಪ್ರಮಾಣ ವಚನದ ವೇಳೆ ಕಾಣಿಸಿಕೊಂಡ ಪ್ರಾಣಿ! ಚಿರತೆ ಎಂದ ನೆಟ್ಟಿಗರು

Team Udayavani, Jun 10, 2024, 2:41 PM IST

ಹೊಸದಿಲ್ಲಿ: ರವಿವಾರ ಸಂಜೆ ರಾಷ್ಟ್ರಪತಿ ಭವನದ ಮುಂಭಾಗದಲ್ಲಿ ನಡೆದ ವರ್ಣರಂಜಿತ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಮೂರನೇ ಬಾರಿಗೆ ಪ್ರಧಾನಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು. ಇದೇ ವೇಳೆ ಸಂಪುಟಕ್ಕೆ 71 ಮಂದಿ ಮಂತ್ರಿಗಳಾಗಿ ಸೇರಿದರು.

ಅಧ್ಯಕ್ಷೆ ದ್ರೌಪದಿ ಮುರ್ಮು ಅವರಿಗೆ ಪ್ರಮಾಣ ವಚನ ಬೋಧಿಸಿದರು. ಕಾರ್ಯಕ್ರಮವು ಸುಮಾರು ಎರಡು ಗಂಟೆಗಳ ಕಾಲ ನಡೆದಿದ್ದು, ನೆರೆಯ ರಾಷ್ಟ್ರಗಳ ನಾಯಕರು ಇತರ ವಿದೇಶಿ ಗಣ್ಯರು ಉಪಸ್ಥಿತರಿದ್ದರು.

ಹಲವಾರು ಸಂಸದರು ಮೋದಿ ಕ್ಯಾಬಿನೆಟ್ ಗೆ ಸೇರುತ್ತಿದ್ದರೆ ರಾಷ್ಟ್ರಪತಿ ಭವನದ ಆವರಣದಲ್ಲಿ ಪ್ರಾಣಿಯೊಂದು ಚಲಿಸಿದ್ದು ಇದೀಗ ಚರ್ಚೆಯ ವಿಷಯವಾಗಿದೆ. ಕಾರ್ಯಕ್ರಮದ ಸಮಯದಲ್ಲಿ ಇದು ಯಾರ ಗಮನಕ್ಕೂ ಬರಲಿಲ್ಲ. ಆದರೆ, ನೆಟ್ಟಿಗರ ಗಮನ ಸೆಳೆದಿದ್ದು, ಬಹುತೇಕ ಜನರು ಕಾಡು ಪ್ರಾಣಿ ಚಿರತೆ ಎಂದು ಹೇಳಿಕೊಳ್ಳುತ್ತಿದ್ದಾರೆ.

ಸಚಿವರು ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರು ಕುಳಿತು ಪ್ರಮಾಣ ವಚನ ಸ್ವೀಕರಿಸುತ್ತಿದ್ದ ವೇದಿಕೆಯ ಹಿಂದೆ ಇದು ಅಡ್ಡಾಡುತ್ತಿರುವುದು ಕಂಡುಬಂದಿದೆ.

An animal was seen strolling back in the Rashtrapati Bhavan after MP Durga Das finished the paperwork

~ Some say it was a LEOPARD while others call it some pet animal. Have a look 🐆 pic.twitter.com/owu3ZXacU3

— The Analyzer (News Updates🗞️) (@Indian_Analyzer) June 10, 2024

ಬಿಜೆಪಿ ಸಂಸದ ದುರ್ಗಾ ದಾಸ್ ಉಯಿಕೇ ಅವರು ಪ್ರಮಾಣ ವಚನ ಸ್ವೀಕರಿಸುತ್ತಿದ್ದಾಗ ವೇದಿಕೆಯ ಹಿಂದೆ ನಡೆಯುತ್ತಿದ್ದ ಪ್ರಾಣಿಗಳನ್ನು ತೀಕ್ಷ್ಣ ಕಣ್ಣಿನ ನೆಟಿಜನ್‌ ಗಳು ಗಮನಿಸಿದರು.

ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯ ವಿಷಯವಾಗಿದೆ. ಹಲವರು ಇದನ್ನು ಚಿರತೆ ಎಂದರೆ, ಮತ್ತೆ ಕೆಲವರು ಇದು ಬೆಕ್ಕು ಎಂದಿದ್ದಾರೆ.

you can notice it here as well in the first 5 seconds, probably a domesticated cat https://t.co/16TRSCTbvD

— rishi. (@rishiirs_) June 10, 2024

“ಇದು ಬೆಕ್ಕು. ಇದು ಸವನ್ನಾ ತಳಿಯಾಗಿರಬಹುದು. ಅದು ಚಿರತೆಯಂತೆ ಕಾಣುತ್ತದೆ ಆದರೆ ನಿರುಪದ್ರವಿ” ಎಂದು ಒಬ್ಬ ಎಕ್ಸ್ ಬಳಕೆದಾರರು ಬರೆದಿದ್ದಾರೆ. “ನೀವು ಅದನ್ನು ಇಲ್ಲಿ ಮೊದಲ 5 ಸೆಕೆಂಡುಗಳಲ್ಲಿ ಗಮನಿಸಬಹುದು, ಬಹುಶಃ ಸಾಕು ಬೆಕ್ಕು,” ಅವರು ಹೇಳಿದರು.