Monkeypox; ಕೇರಳದಲ್ಲಿ ಮತ್ತೊಂದು ಶಂಕಿತ ಮಂಕಿಪಾಕ್ಸ್‌ ಪತ್ತೆ: ದೇಶದಲ್ಲಿ 2ನೇ ಪ್ರಕರಣ

Team Udayavani, Sep 17, 2024, 11:15 PM IST

ಮಲಪ್ಪುರಂ: ಕಳೆದ ವಾರ ಹರಿಯಾಣದ ಯುವಕನಿಗೆ ದೇಶದಲ್ಲಿ ಮೊದಲ ಎಂಪಾಕ್ಸ್‌ ಪ್ರಕರಣ ದೃಢಪಟ್ಟಿರುವಂತೆಯೇ ಕೇರಳದ ಮಲಪ್ಪುರಂನಲ್ಲಿ ಮತ್ತೂಂದು ಶಂಕಿತ ಪ್ರಕರಣ ಪತ್ತೆಯಾಗಿದೆ.

ವಿದೇಶದಿಂದ ಆಗಮಿಸಿದ ವ್ಯಕ್ತಿಗೆ ಸೋಂಕು ತಗುಲಿರುವ ಶಂಕೆಯಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ. ಆತನಿಗೆ ಇರುವ ಕಾಯಿಲೆಯ ಅಂಶಗಳು ಎಂಪಾಕ್ಸ್‌ ಲಕ್ಷಣಗಳನ್ನು ಹೋಲುವ ಬಗ್ಗೆ  ವೈದ್ಯರು ಶಂಕಿಸಿದ್ದರಿಂದ ಆತನನ್ನು ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಆತನ ದೇಹದ ಮಾದರಿಯನ್ನು ಕಲ್ಲಿಕೋಟೆ ಮೆಡಿ­ಕಲ್‌ ಕಾಲೇಜಿಗೆ ಕಳುಹಿಸಲಾಗಿದ್ದು, ವರದಿಗಾಗಿ ಕಾಯ­ಲಾಗುತ್ತಿದೆ ಎಂದು ಜಿಲ್ಲಾ ಆರೋಗ್ಯ ಇಲಾಖೆ ಹೇಳಿದೆ. ಬೆಂಗಳೂರಿನಲ್ಲಿ ಅಧ್ಯಯನ ಮಾಡುತ್ತಿದ್ದ ವಿದ್ಯಾರ್ಥಿ ನಿಫಾ ವೈರಸ್‌ನಿಂದ ಅಸುನೀಗಿದ್ದರಿಂದ ಹೊಸ ಪ್ರಕರಣದ ಬಗ್ಗೆ ಹೆಚ್ಚಿನ ನಿಗಾ ವಹಿಸಲಾಗಿದೆ.