ಬಿಜೆಪಿ ವಿರೋಧಿ ರಂಗದಿಂದ ಹೊಸ ಸರಕಾರ; ಟಿಎಂಸಿ ಕಿಂಗ್‌ ಮೇಕರ್‌ : ಡೆರಿಕ್‌ ಓ ಬ್ರಿನ್‌

Team Udayavani, May 2, 2019, 12:20 PM IST

ಕೋಲ್ಕತ : ಈ ಬಾರಿಯ ಲೋಕಸಭಾ ಚುನಾವಣೆಗಳು ಮುಗಿದ ಬಳಿಕ ಬಿಜೆಪಿ ವಿರೋಧಿ ರಂಗವೇ ಕೇಂದ್ರದಲ್ಲಿ ಮುಂದಿನ ಸರಕಾರ ರಚಿಸುತ್ತದೆ ಮತ್ತು ಮಮತಾ ಬ್ಯಾನರ್ಜಿ ಅವರ ತೃಣ ಮೂಲ ಕಾಂಗ್ರೆಸ್‌ ಪಕ್ಷವೇ ಕಿಂಗ್‌ ಮೇಕರ್‌ ಪಾತ್ರವನ್ನು ನಿರ್ವಹಿಸುತ್ತದೆ ಎಂದು ಟಿಎಂಸಿ ಸಂಸದ ಡೆರೆಕ್‌ ಓ ಬ್ರಿನ್‌ ಭವಿಷ್ಯ ನುಡಿದಿದ್ದಾರೆ.

ಬಿಜೆಪಿ ವಿರೋಧಿ ರಂಗ ಕೇಂದ್ರದಲ್ಲಿ ಅಧಿಕಾರಕ್ಕೆ ಬಂದರೆ ಪಶ್ಚಿಮ ಬಂಗಾಲದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಪ್ರಧಾನಿ ಹುದ್ದೆಗೆ ಸ್ಪರ್ಧಿಸುತ್ತಾರಾ ಎಂಬ ಪ್ರಶ್ನೆಗೆ ಅವರು ಉತ್ತರ ನೀಡಲಿಲ್ಲ.

“ನಾಲ್ಕು ಹಂತಗಳಲ್ಲಿ ಈ ವರೆಗೆ ಸಾಗಿರುವ ಲೋಕಸಭಾ ಚುನಾವಣೆಯ ಬಳಿಕ ನಾನೀಗ ದೃಢವಾಗಿ ಹೇಳುತ್ತೇನೆ : ಫ್ಯಾಸಿಸ್ಟ್‌ ನರೇಂದ್ರ ಮೋದಿ ಸರಕಾರ ಈಗ ನಿರ್ಗಮನ ಮಾರ್ಗದಲ್ಲಿದೆ; ಅಂತೆಯೇ ಕೇಂದ್ರದಲ್ಲಿ ಹೊಸ ಸರಕಾರ ಬರಲಿದೆ ಮತ್ತು ಪ್ರಾದೇಶಿಕ ಪಕ್ಷಗಳೇ ಅದರ ಶಕ್ತಿಯಾಗಿರುತ್ತದೆ’ ಎಂದು ಓ ಬ್ರಿನ್‌ ಹೇಳಿದರು.