ಲೋಯಾ ಸಾವಿನಿಂದ ನ್ಯಾಯಾಂಗ ಬಂಡಾಯ: ಜೇಟ್ಲಿ ಬ್ಲಾಗ್‌

Team Udayavani, Apr 20, 2018, 4:35 PM IST

ಹೊಸದಿಲ್ಲಿ : ನ್ಯಾಯಾಧೀಶ ಬೃಜ್‌ ಗೋಪಾಲ್‌  ಹರ್‌ಕಿಶನ್‌ ಲೋಯಾ ಅವರ ಸಾವು “ಬಹುತೇಕ ನ್ಯಾಯಾಂಗ ಬಂಡಾಯವನ್ನು ಸೃಷ್ಟಿಸಿದೆ’ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್‌ ಜೇಟ್ಲಿ ಅವರು ಬ್ಲಾಗ್‌ ಬರೆದಿದ್ದಾರೆ.

ನ್ಯಾಯಮೂರ್ತಿ ಬಿ ಎಚ್‌ ಲೋಯಾ ಅವರ ಸಾವಿನ ಬಗ್ಗೆ ಸ್ವತಂತ್ರ ತನಿಖೆ ನಡೆಯಬೇಕೆಂದು ಕೋರಿ ಸಲ್ಲಿಸಲಾಗಿದ್ದ ಹಲವಾರು ಅರ್ಜಿಗಳನ್ನು ಸುಪ್ರೀಂ ಕೋರ್ಟ್‌ ತಿರಸ್ಕರಿಸಿದ ಒಂದು ದಿನದ ತರುವಾಯ ಇಂದು ಶುಕ್ರವಾರ ಮಧ್ಯಾಹ್ನ  ಜೇಟ್ಲಿ  ತಮ್ಮ ಫೇಸ್‌ ಬುಕ್‌ ಪುಟದಲ್ಲಿ ಬ್ಲಾಗ್‌ ಪೋಸ್ಟ್‌ ಮಾಡಿದ್ದಾರೆ. 

ನ್ಯಾಯಾಧೀಶ ಲೋಯಾ ಅವರು ಸಾವು ನೈಸರ್ಗಿಕ ಕಾರಣಗಳಿಂದ ಸಂಭವಿಸಿದ್ದಾಗಿದೆ ಎಂಬುದು ತನಿಖೆಯಿಂದ ಬಹಿರಂಗವಾಗಿದೆ ಎಂದು ಸುಪ್ರೀಂ ಕೋರ್ಟ್‌ ತನ್ನ ತೀರ್ಪಿನಲ್ಲಿ ಹೇಳಿದೆ.