ದಿಲ್ಲಿ ಎಲ್‌ಜಿ ಕಚೇರಿ: ಕೇಜ್ರಿವಾಲ್‌, ಆಪ್‌ ನಾಯಕರ ಧರಣಿ ಅಂತ್ಯ

Team Udayavani, Jun 19, 2018, 7:08 PM IST

ಹೊಸದಿಲ್ಲಿ : ದಿಲ್ಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌ ಅವರು ಲೆಫ್ಟಿನೆಂಟ್‌ ಗವರ್ನರ್‌ ಅನಿಲ್‌ ಬೈಜಾಲ್‌ ಅವರ ಕಚೇರಿಯಲ್ಲಿ ಕಳೆದ 9 ದಿನಗಳಿಂದ ನಡೆಸುತ್ತಿದ್ದ ಧರಣಿ ಮುಷ್ಕರವನ್ನು ಇಂದು ಮಂಗಳವಾರ ಕೊನೆಗೊಳಿಸಿದ್ದಾರೆ.

ಲೆಫ್ಟಿನೆಂಟ್‌ ಗವರ್ನರ್‌ ಕಾರ್ಯಾಲಯದಲ್ಲಿ ಧರಣಿ ಕೂರಲು ಕೇಜ್ರಿವಾಲ್‌ಗೆ ಅನುಮತಿ ಕೊಟ್ಟವರು ಯಾರು ಎಂದು ದಿಲ್ಲಿ ಹೈಕೋರ್ಟ್‌ ಕೇಜ್ರಿವಾಲ್‌ ಅವರನ್ನು ತೀವ್ರವಾಗಿ ತರಾಟಗೆ ತೆಗೆದುಕೊಂಡ ಒಂದು ದಿನದ ತರುವಾಯ ಕೇಜ್ರಿವಾಲ್‌ ತಮ್ಮ ಧರಣಿ ಮಷ್ಕರವನ್ನು ಕೊನೆಗೊಳಿಸಿರುವುದು ಗಮನಾರ್ಹವಾಗಿದೆ. 

ಕೇಜ್ರಿವಾಲ್‌ ಮತ್ತುಅವರ ಸಚಿವ ಸಂಪುಟದ ಕೆಲ ಸದಸ್ಯರು ಲೆ| ಗವರ್ನರ್‌ ಕಾರ್ಯಾಲಯದಲ್ಲಿ ಕಳೆದ ಜೂನ್‌ 13ರಂದು ಧರಣಿ ಮುಷ್ಕರ ಆರಂಭಿಸಿದ್ದರು. ಐಎಎಸ್‌ ಅಧಿಕಾರಿಗಳಿಗೆ ತಮ್ಮ ಮುಷ್ಕರ ನಿಲ್ಲಿಸಿ ತಮ್ಮ ಕೆಲಸ ಕಾರ್ಯಗಳನ್ನು ಪುನರಾರಂಭಿಸುವಂತೆ  ಲೆ| ಗವನರ್‌ ಆದೇಶಿಸಬೇಕು ಎಂದು ಆಗ್ರಹಿಸಿ ಕೇಜ್ರಿವಾಲ್‌ ತಂಡದವರು ಧರಣಿ ಮುಷ್ಕರ ನಡೆಸಿದ್ದರು.