ಅಶೋಕ್‌, ಶ್ರೀಮತಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿ ಗೌರವ

Team Udayavani, Dec 22, 2017, 6:20 AM IST

ಹೊಸದಿಲ್ಲಿ: ಕನ್ನಡದ ಖ್ಯಾತ ವಿಮರ್ಶಕ ಟಿ.ಪಿ. ಅಶೋಕ್‌ಅವರಿಗೆ 2017ನೇ ಸಾಲಿನ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ನೀಡಲಾಗಿದೆ. “ಕಥನ ಸಾಹಿತ್ಯ’ ಎಂಬ ಸಾಹಿತ್ಯ ವಿಮರ್ಶೆಯ ಕೃತಿಗಾಗಿ ಈ ಗೌರವ ಸಂದಿದೆ. ಇನ್ನು ಭಾಷಾಂತರ ವಿಭಾಗದಲ್ಲಿ ಎಚ್‌.ಎಸ್‌.ಶ್ರೀಮತಿ ಅವರು ಬಂಗಾಲಿ ಭಾಷೆಯ ಲೇಖಕಿ ಮಹಾಶ್ವೇತಾದೇವಿ ಅವರ ಸಣ್ಣ ಕತೆಗಳನ್ನು ಕನ್ನಡಕ್ಕೆ  ಅನುವಾದಿಸಿದ್ದಕ್ಕಾಗಿ ಪ್ರಶಸ್ತಿ ಲಭಿಸಿದೆ.

ಕೊಂಕಣಿ ಭಾಷೆಯಲ್ಲಿ “ದಿರ್ಗ್‌ ಮೌನ್‌ ತೇ’ ಎಂಬ ಕೃತಿಯ ಅನುವಾದಕ್ಕಾಗಿ ಪ್ರಶಾಂತಿ ತಲ್ಪಣRರ್‌ ಅವರಿಗೆ ಗೌರವ ಸಂದಿದೆ. ಲೇಖಕಿ ಜಯಶ್ರೀ ದೇಶಪಾಂಡೆ ಇಂಗ್ಲಿಷ್‌ನಲ್ಲಿ ಬರೆದ “ದ್ಯಾಟ್‌ ಲಾಂಗ್‌ ಸೈಲೆನ್ಸ್‌’ ಎಂಬ ಕೃತಿಯನ್ನು ಅನುವಾದ ಮಾಡಿದ್ದಾರೆ. ಅದೇ ಭಾಷೆಯ ಮುಖ್ಯ ಕೃತಿ ಬಹುಮಾನಕ್ಕೆ ಸಂಬಂಧಿಸಿದಂತೆ ಗಜಾನನ್‌ ಜೋಗ್‌ ಬರೆದ “ಖಾಂಡ್‌ ಅನಿ ಹರ್‌ ಕಥಾ’ ಎಂಬ ಪುಸ್ತಕಕ್ಕೆ ಅಕಾಡೆಮಿ ಗೌರವ ಸಿಕ್ಕಿದೆ.