U.P; 60 ವರ್ಷದ ತಾಯಿಯ ಮೇಲೆಯೇ ಅತ್ಯಾಚಾರ: ಮಗನಿಗೆ ಜೀವಾವಧಿ ಶಿಕ್ಷೆ

Team Udayavani, Sep 25, 2024, 12:31 AM IST

ಲಕ್ನೋ: ತನ್ನ 60 ವರ್ಷದ ತಾಯಿಯ ಮೇಲೆಯೇ ಅತ್ಯಾಚಾರವೆಸಗಿದ್ದ 36 ವರ್ಷದ ವ್ಯಕ್ತಿಗೆ ಉತ್ತರಪ್ರದೇಶದ ಬುಲಂದ್‌ಶಹರ್‌ನ ತ್ವರಿತಗತಿ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿ ಮಂಗಳವಾರ ತೀರ್ಪು ನೀಡಿದೆ.

2023ರ ಜನವರಿಯಲ್ಲಿ ಜಾನುವಾರುಗಳಿಗೆ ಮೇವು ತರಲೆಂದು ಹೊಲಕ್ಕೆ ತಾಯಿಯೊಂದಿಗೆ ಹೋಗಿದ್ದ ಆಬಿದ್‌, ಆ ಹೊಲದಲ್ಲೇ ತನ್ನ ಅಮ್ಮನ ಮೇಲೆಯೇ ಅತ್ಯಾಚಾರವೆಸಗಿದ್ದ. ಜತೆಗೆ, ನನ್ನೊಂದಿಗೆ ನನ್ನ ಪತ್ನಿಯಾಗಿ ಇದ್ದುಬಿಡು ಎಂದು ಬೆದರಿಕೆಯನ್ನೂ ಹಾಕಿದ್ದ. ಮನೆಗೆ ಹೋಗಿ ಈ ವಿಷಯವನ್ನು ತಾಯಿ ತನ್ನ ಮತ್ತಿಬ್ಬರು ಮಕ್ಕಳಿಗೆ ತಿಳಿಸಿದ್ದರು.

ಈ ಹಿನ್ನೆಲೆಯಲ್ಲಿ ಆಬಿದ್‌ನ ಇಬ್ಬರು ತಮ್ಮಂದಿರು ಪೊಲೀಸರಿಗೆ ದೂರು ನೀಡಿದ್ದರು. ಕೋರ್ಟ್‌ 20 ತಿಂಗಳಲ್ಲೇ ವಿಚಾರಣೆ ಪೂರ್ಣಗೊಳಿಸಿ ತೀರ್ಪು ನೀಡಿದೆ. ತನ್ನ ಮಗನನ್ನು ಆ ತಾಯಿ “ರಾಕ್ಷಸ’ ಎಂದು ಕರೆದಿದ್ದಾರೆ.