ವಿಡಿಯೋ : ಶಾಸ್ತ್ರೀಯ ಸಂಗೀತಕ್ಕೆ ಅಮ್ಮನ ಜೊತೆ ದನಿಯಾದ ಮುದ್ದು ಕಂದ

Team Udayavani, Mar 24, 2021, 1:48 PM IST

ನವದೆಹಲಿ : ಮಕ್ಕಳ ಮುದ್ದು ಆಟಗಳೇ ಚಂದ. ಸದಾ ಸದ್ದು ಮಾಡುತ್ತ, ಏನಾದರೂ ಒಂದು ಕೀಟಲೆ ಮಾಡುತ್ತ ಎಲ್ಲರನ್ನು ತನ್ನತ್ತ ಸೆಳೆಯುವ ಗುಣ ಮಕ್ಕಳಲ್ಲಿ ಇರುತ್ತದೆ. ಮತ್ತೊಂದು ವಿಶೇಷ ಅಂದರೆ ಕೆಲವು ಮಕ್ಕಳು ನೋಡಿದ್ದನ್ನು ಅನುಕರಣೆ ಮಾಡುವ ಬುದ್ಧಿವಂತಿಕೆಯನ್ನು ಹೊಂದಿರುತ್ತವೆ. ಅಪ್ಪ-ಅಮ್ಮ ಏನನ್ನಾದರೂ ಮಾಡುತ್ತಿದ್ದರೆ, ಅದನ್ನೇ ತಾನೂ ಮಾಡುತ್ತ ಎಲ್ಲರಿಗೂ ಖುಷಿ ಕೊಡುತ್ತವೆ. ಇಂತಹದ್ದೇ ಒಂದು ಮಗುವಿನ ವಿಡಿಯೋ ಟ್ವಿಟ್ಟರ್ ನಲ್ಲಿ ಸದ್ದು ಮಾಡುತ್ತಿದೆ.

ಇಲ್ಲೊಬ್ಬ ತಾಯಿ ತನ್ನ ಮಗುವನ್ನು ತೊಡೆಯ ಮೇಲೆ ಕೂರಿಸಿಕೊಂಡು ಶಾಸ್ತ್ರೀಯ ಸಂಗೀತವನ್ನು ಅಭ್ಯಾಸ ಮಾಡುತ್ತಿದ್ದಾರೆ. ರಾಗವನ್ನು ಹಾಡುವಾಗ ಅಲ್ಲೇ ಕುಳಿತಿದ್ದ ಮಗು ಕೂಡ ಅಮ್ಮನ ಜೊತೆ ದನಿಗೂಡಿಸಿದೆ. ಈ ವಿಡಿಯೋವನ್ನು ಅರುಣ್ ಭೋತ್ರ ಎಂಬುವವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದು, ಆ ಮುದ್ದು ಕಂದಮ್ಮನ ದನಿಗೆ ಕೇಳುಗರು ಫಿದಾ ಆಗಿದ್ದಾರೆ.

A lovely Jugalbandi to make your morning beautiful.

Vidoe via @Raaggiri pic.twitter.com/eoloUr3Wsh

— Arun Bothra (@arunbothra) March 23, 2021

ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಆ ತಾಯಿ ಯಾರು ಎಂಬ ಹುಡುಕಾಟ ಶುರುವಾಗಿದೆ. ನಂತರ ಆಕೆ ಮರಾಠಿ ಗಾಯಕಿ ಪ್ರಿಯಾಂಕಾ ಬರ್ವೆ ಎಂಬುದು ತಿಳಿದು ಬಂದಿದೆ. ಪ್ರಿಯಾಂಕಾ ಕೇವಲ ಗಾಯಕಿ ಮಾತ್ರ ಅಲ್ಲದೆ ರಂಗ ಕಲಾವಿದೆ ಕೂಡ ಹೌದು. ಈಕೆಯ ಮಗನೇ ಯುವಾನ್.