ಬನಾರಸಿ ಪಾನ್‌ಗೆ ಈಗ ಶಾರುಖ್‌ ಖಾನ್‌ ಹೆಸರು!

Team Udayavani, Aug 3, 2017, 9:35 AM IST

ವಾರಾಣಸಿ: ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಅವರು ಡಾನ್‌-2 ಚಿತ್ರದಲ್ಲಿ ‘ಕೈಕೆ ಪಾನ್‌ ಬನಾರಸ್‌ವಾಲ’ ಹಾಡಿಗೆ ಹೆಜ್ಜೆ ಹಾಕಿದ್ದು ಎಲ್ಲರಿಗೂ ನೆನಪಿದೆ. ಈಗ ಅದೇ ಪಾನ್‌ಗೆ ‘ಶಾರುಖ್‌ ಖಾನ್‌ ಪಾನ್‌’ ಎಂದೇ ನಾಮಕರಣ ಮಾಡಲಾಗಿದೆ. ದೇಗುಲಗಳ ನಗರಿ ವಾರಾಣಸಿಯಲ್ಲಿ ಈಗ ಶಾರುಖ್‌ ಪಾನ್‌ ಬೀಡಾ ಒಂದೇ ದಿನದಲ್ಲಿ ಪ್ರಸಿದ್ಧಿಯಾಗಿದೆ.

‘ಜಬ್‌ ಹ್ಯಾರಿ ಮೆಟ್‌ ಸೇಜಲ್‌’ ಚಿತ್ರದ ಪ್ರಚಾರಕ್ಕಾಗಿ ಇತ್ತೀಚೆಗೆ ಇಲ್ಲಿಗೆ ಬಂದಿದ್ದ ಖಾನ್‌  ಅವರು ನಟಿ ಅನುಷ್ಕಾ ಶರ್ಮಾ ಅವರೊಂದಿಗೆ ಸತೀಶ್‌ ಕುಮಾರ್‌ ಅವರ 70 ವರ್ಷ ಹಳೆಯ ‘ತಾಂಬೂಲಂ ಪಾನ್‌’ ಅಂಗಡಿಗೆ ಭೇಟಿ ನೀಡಿ ಮತ್ತೂಮ್ಮೆ ಬನಾರಸ್‌ ಪಾನ್‌ ಸವಿದಿದ್ದರು. ಖಾನ್‌ ಭೇಟಿ ಬಳಿಕ ಗ್ರಾಹಕರು ಪಾನ್‌ಗಾಗಿ ಮುಗಿಬೀಳುತ್ತಿದ್ದು, ಇದಕ್ಕಾಗಿಯೇ ಪಾನ್‌ಗೆ ‘ಶಾರುಖ್‌ ಖಾನ್‌ ಪಾನ್‌’ ಎಂದು ಹೆಸರಿಟ್ಟು 35 ರೂ.ಗೆ ಮಾರುತ್ತಿರುವುದಾಗಿ ಸತೀಶ್‌ ಹೇಳಿದ್ದಾರೆ.