ಬ್ಯಾಂಕ್‌ ಬಡ್ಡಿದರ ಯಥಾ ಸ್ಥಿತಿ

Team Udayavani, Feb 8, 2018, 8:15 AM IST

ಮುಂಬೈ: ರಿಸರ್ವ್‌ ಬ್ಯಾಂಕ್‌ನ ದ್ವೆ„ಮಾಸಿಕ ಆರ್ಥಿಕ ನೀತಿ ಪ್ರಕಟವಾಗಿದ್ದು, ರೆಪೋ ದರದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಆದರೆ ಹಣದುಬ್ಬರ ಏರಿಕೆ ಮತ್ತು ವಿತ್ತೀಯ ಕೊರತೆ ಹೆಚ್ಚುವ ಎಚ್ಚರಿಕೆಯನ್ನು ಆರ್‌ಬಿಯ ನೀಡಿದೆ. ಆರ್‌ಬಿಐ ಗವರ್ನರ್‌ ಉರ್ಜಿತ್‌ ಪಟೇಲ್‌ ನೇತೃತ್ವದ 6 ಸದಸ್ಯರ ಹಣಕಾಸು ನೀತಿ ಸಮಿತಿ (ಎಂಪಿಸಿ) ಈ ನಿರ್ಧಾರ ಕೈಗೊಂಡಿದ್ದು, ರೆಪೋ ದರ ಶೇ. 6 ಹಾಗೂ ರಿವರ್ಸ್‌ ರೆಪೋ ದರ ಶೇ. 5.75 ರಲ್ಲೇ ಇರಲಿದೆ. 2017-18ರ ಕೊನೆಯ ಹಣಕಾಸು ನೀತಿ ಇದಾಗಿದೆ. ಸದ್ಯ ಹಣದುಬ್ಬರ ಶೇ. 5.1 ರಲ್ಲಿದ್ದು, ಇದು ಶೇ. 5.6ರ ತನಕ ಹೆಚ್ಚಲಿದೆ ಎಂದು ಆರ್‌ಬಿಐ ನಿರೀಕ್ಷಿಸಿದೆ.

ಮಾರುಕಟ್ಟೆ ಕುಸಿತ: ಬಡ್ಡಿದರದಲ್ಲಿ ಯಥಾ ಸ್ಥಿತಿ ಕಾಯ್ದುಕೊಳ್ಳಲು ನಿರ್ಧರಿಸಿದ್ದರಿಂದ ಬಾಂಬೆ ಷೇರು ಪೇಟೆ 113 ಅಂಕ ಕುಸಿತ ಕಂಡಿತು. ನಿಫ್ಟಿ ಕೂಡ 21.55ರಷ್ಟು ಕುಸಿದಿದೆ. ಆರ್‌ಬಿಐ ನಿರ್ಧಾರ ಪ್ರಕಟವಾಗುತ್ತವೇ 113 ಅಂಕ ಇಳಿಕೆಯಾಯಿತು. ಹೀಗಾಗಿ ದಿನದ ಅಂತ್ಯಕ್ಕೆ ಸೂಚ್ಯಂಕ 34,082.71ರಲ್ಲಿ, ನಿಫ್ಟಿ 10,476.70ರಲ್ಲಿ ಮುಕ್ತಾಯವಾಯಿತು.  ಇನ್ನು ವಿಶ್ವದ ಇತರ ಷೇರು ಮಾರುಕಟ್ಟೆಗಳಲ್ಲಿ ವಹಿವಾಟು ಯಥಾ ಸ್ಥಿತಿಗೆ ಮರಳಿದೆ.