ಈ ನಾಯಿಯ ಜಾಣತನ ಎಲ್ಲರಿಗೂ ಖುಷಿ ನೀಡುತ್ತದೆ..!

Team Udayavani, May 23, 2021, 2:56 PM IST

ನಾಯಿಗಳಂದ್ರೆ ಹಾಗೆ ನಂಬಿಕೆಗೆ ಹೆಸರು ಮಾಡಿರುವ ಪ್ರಾಣಿ.  ಇವುಗಳ ಆಟ ತುಂಟಾಟ ಮನಸ್ಸಿಗೆ ಆನಂದ ನೀಡುತ್ತದೆ. ಶ್ವಾನಗಳ ಆಟ, ತುಂಟಾಟ ಹೃದಯ ಗೆಲ್ಲುತ್ತದೆ. ಬರೀ ಅಷ್ಟೇ ಅಲ್ಲ, ಶ್ವಾನಗಳು ತಮ್ಮ ಚುರುಕು ಬುದ್ಧಿಯಿಂದಲೂ ಗಮನ ಸೆಳೆಯುತ್ತವೆ. ಇಂತಹ ನಿರ್ಮಲ ಹೃದಯದ ಶ್ವಾನಗಳಿಗೆ ನೀಡುವ ತರಬೇತಿ ಕೂಡಾ ಮನಸ್ಸಿಗೆ ಆನಂದ ನೀಡುತ್ತದೆ.

ಸದ್ಯ ಒಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ನಾಯಿಗೆ ತರಬೇತಿ ನೀಡುವ ದೃಶ್ಯ ಇದು. ಈ ದೃಶ್ಯವನ್ನು ನೋಡಿದ್ರೆ ಮನಸ್ಸಿಗೆ ಖುಷಿಯಾಗುತ್ತದೆ.

@buitengebieden ಎಂಬ ಟ್ವಿಟ್ಟರ್ ಖಾತೆಯಲ್ಲಿ ಈ ದೃಶ್ಯವನ್ನು ಅಪ್ಲೋಡ್ ಮಾಡಲಾಗಿದೆ. 43 ಸೆಕೆಂಡುಗಳ ದೃಶ್ಯವಿದು. ಮನೆಯಲ್ಲಿ ವಿವಿಧ ರೀತಿಯ ಗೊಂಬೆಗಳನ್ನು ಹರಡಿರುವ ದೃಶ್ಯ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಪಕ್ಕದಲ್ಲೇ ಒಂದು ಮುದ್ದು ಶ್ವಾನವೂ ಇದೆ. ಈ ಗೊಂಬೆಗಳನ್ನಿಟ್ಟುಕೊಂಡು ಆ ಶ್ವಾನದ ಮಾಲಕಿ ತರಬೇತಿ ನೀಡುತ್ತಿದ್ದಾರೆ. ಒಡತಿ ಒಂದೊಂದೇ ಗೊಂಬೆಗಳ ಹೆಸರು ಹೇಳಿದ ತಕ್ಷಣ ಆ ಶ್ವಾನ ಅದನ್ನು ತಂದು ಮಾಲಕಿಯ ಕೈಗಿಡುತ್ತದೆ.

Brain training.. ? pic.twitter.com/agqceZ8WNh

— Buitengebieden (@buitengebieden_) May 21, 2021