ಶೀಘ್ರ ಬರಲಿದೆ ಸಲ್ಮಾನ್‌ ಸ್ಮಾರ್ಟ್‌ಫೋನ್‌!

Team Udayavani, Mar 10, 2017, 3:45 AM IST

ಮುಂಬೈ: ಚಿತ್ರೋದ್ಯಮ ಕ್ಷೇತ್ರದಲ್ಲಿ ಸಾಕಷ್ಟು ಅನುಭವ ಮಾಡಿಕೊಂಡಿರುವ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಈಗ ಮೊಬೈಲ್‌ ಉದ್ಯಮಕ್ಕೂ ಪ್ರವೇಶಿಸುತ್ತಿದ್ದಾರಂತೆ. ಈಗಾಗಲೇ ಇದಕ್ಕೆ ಅಗತ್ಯ ತಯಾರಿ ಮಾಡಿಕೊಂಡಿರುವ ಸಲ್ಲು, ತಮ್ಮದೇ ಬ್ರಾಂಡ್‌ “ಬಿಯಿಂಗ್‌ ಹ್ಯೂಮನ್‌’ ಸರಣಿ ಸ್ಮಾರ್ಟ್‌ ಫೋನ್‌ಗಳನ್ನು ಪರಿಚಯಿಸಲು ಮುಂದಾಗಿದ್ದಾರೆ. ಅಷ್ಟಕ್ಕೂ ಅವರು ಪರಿಚಯಿಸಲಿರುವ ಫೋನ್‌ಗಳ ಹೆಸರು “ಬಿಯಿಂಗ್‌ ಸ್ಮಾರ್ಟ್‌’ ಎಂದಾಗಿರುತ್ತದಂತೆ. ಹೆಸರೇ ಹೇಳುವಂತೆ ಈ ಫೋನ್‌ಗಳು “ಬಾಳಿಕೆಗೆ’ ಬರುವ ಫೋನ್‌ಗಳಾಗಿರುತ್ತವೆ.

ಉದ್ಯಮ ಆರಂಭಕ್ಕೆ ಅಗತ್ಯವಾಗಿ ಬೇಕಿರುವ ಹೂಡಿಕೆಯಲ್ಲಿ ಗರಿಷ್ಠ ಷೇರುಗಳನ್ನು ತಾನೇ ಹೊಂದಿರಬೇಕೆಂದು ನಿರ್ಧರಿಸಿರುವ ಸಲ್ಮಾನ್‌ ಖಾನ್‌, ಸೂಕ್ತ ಪಾಲುದಾರರಿಗಾಗಿ ಹಡುಕಾಟ ನಡೆಸಿದ್ದಾರೆ ಎಂದು ಮೂಲಗಳು ಹೇಳಿವೆ. ಜನಪ್ರಿಯ ಚೀನಾ ಬ್ರಾಂಡ್‌ಗಳಾದ ಒಪ್ಪೊ, ವಿವೊ, ಕ್ಸಿಯಾಮಿ ಸೇರಿ ಉಳಿದ ಬ್ರಾಂಡ್‌ಗಳಿಗಿಂತ ಕಡಿಮೆ ದರದಲ್ಲಿ, ಮಧ್ಯಮ ವರ್ಗದವರೂ ಕೊಂಡುಕೊಳ್ಳುವಂತಹ ಫೋನ್‌ಗಳನ್ನು ಪರಿಚಯಿಸುವ ಉದ್ದೇಶ ಹೊಂದಿದ್ದಾರೆಂದು ಹೇಳಲಾಗಿದೆ.