Kolkata: ತಮ್ಮದೇ ಪ್ರತಿಮೆ ಅನಾವರಣ ಮಾಡಿದ ಪಶ್ವಿ‌ಮ ಬಂಗಾಲ ಗವರ್ನರ್‌

Team Udayavani, Nov 25, 2024, 12:44 AM IST

ಕೋಲ್ಕತಾ: ಪಶ್ವಿ‌ಮ ಬಂಗಾಲ ರಾಜ್ಯಪಾಲ ಸಿ.ವಿ.ಆನಂದಬೋಸ್‌ ರಾಜಭವನದಲ್ಲಿ ತಮ್ಮದೇ ಪ್ರತಿಮೆಯನ್ನು ಅನಾವರಣ ಮಾಡಿದ್ದಾರೆ. ಅವರ ಈ ನಡೆಗೆ ಸಾಕಷ್ಟು ವಿರೋಧ ವ್ಯಕ್ತವಾಗಿದ್ದು, ಇದೊಂದು ಪ್ರಚಾರ ತಂತ್ರ ಎಂದು ಟಿಎಂಸಿ ಆರೋಪಿಸಿದೆ.

ಕೋಲ್ಕತಾದ ರಾಜಭವನದಲ್ಲಿ ಮಕ್ಕಳಿಗಾಗಿ ಚಿತ್ರಕಲಾ ಸ್ಪರ್ಧೆಯನ್ನು ಶನಿವಾರ ಏರ್ಪಡಿಸಲಾಗಿತ್ತು. ಈ ವೇಳೆ ಬೋಸ್‌ ಅವರು ಅಧಿಕಾರದಲ್ಲಿರುವಾಗಲೇ ತಮ್ಮ ಪ್ರತಿಮೆ ಅನಾವರಣ ಮಾಡಿ­ದ್ದಾರೆ. ಈ ವೀಡಿಯೋ ವೈರಲ್‌ ಆಗಿದ್ದು, ಆಡಳಿತ ಹಾಗೂ ವಿಪಕ್ಷದ ನಾಯ­ಕರು ಇದನ್ನು ಟೀಕಿಸಿದ್ದಾರೆ. ಈ ಬಗ್ಗೆ ಸ್ಪಷ್ಟನೆ ನೀಡಿದ ರಾಜ ಭವನ ಪ್ರತಿಮೆ­ಯನ್ನು ರಾಜ್ಯಪಾಲರಿಗೆ ಉಡುಗೊರೆ­ಯಾಗಿ ನೀಡಲಾಗಿತ್ತೇ ಹೊರತು ಅವರ ಸೂಚನೆಯಂತೆ ನಿರ್ಮಿಸಿದ್ದಲ್ಲ’ ಎಂದಿದೆ.

“ನಮ್ಮ ರಾಜ್ಯಪಾಲರಾದ ಆನಂದ್‌ ಬೋಸ್‌ ತಮ್ಮದೇ ಪ್ರತಿಮೆ ಉದ್ಘಾಟನೆ ಮಾಡಿದ್ದಾರೆ. ಈಗ ಎದ್ದಿರುವ ಪ್ರಶ್ನೆಯೆಂದರೆ ಮುಂದಿನ ದಿನಗಳಲ್ಲಿ ಅವರ ಪ್ರತಿಮೆಗೆ ಅವರೇ ಹಾರ ಹಾಕುತ್ತಾರೆಯೇ ಎಂದು ಟಿಎಂಸಿ ಪ್ರಶ್ನಿಸಿದೆ. ಬಿಜೆಪಿ ಸೇರಿ ಇತರ ಪಕ್ಷಗಳು ಇದನ್ನು ವಿರೋಧಿಸಿದ್ದು, ಇದೊಂದು ನಾಚಿಕೆಗೇಡಿನ ಕೃತ್ಯವಾಗಿದ್ದು, ನಮ್ಮ ರಾಜ್ಯದ ದೌರ್ಭಾಗ್ಯ ಎಂದು ಕರೆದಿವೆ.