ಪ್ರಧಾನಿ ಮೋದಿಯಿಂದ ಸುಳ್ಳು, ಜಮ್ಲಾಗಳ ನಿರೀಕ್ಷೆಯಲ್ಲಿ ಬಿಹಾರ : ತೇಜಸ್ವಿ ಯಾದವ್‌

Team Udayavani, Apr 20, 2019, 12:41 PM IST

ಪಟ್ನಾ : ಅರಾರಿಯಾ ಲೋಕಸಭಾ ಕ್ಷೇತ್ರದಲ್ಲಿ ಇಂದು ನಡೆಯಲಿರುವ ರಾಲಿಯಲ್ಲಿ ಮಾತನಾಡುವ ಪ್ರಧಾನಿ ನರೇಂದ್ರ ಮೋದಿ ಅವರಿಂದ ಬಿಹಾರ ಸುಳ್ಳುಗಳನ್ನು ಮತ್ತು ಜುಮ್ಲಾಗಳನ್ನು ನಿರೀಕ್ಷಿಸುತ್ತಿದೆ ಎಂದು ಆರ್‌ಜೆಡಿ ನಾಯಕ ಮತ್ತು ಮಾಜಿ ಉಪ ಮುಖ್ಯಮಂತ್ರಿ ತೇಜಸ್ವಿ ಯಾದವ್‌ ಇಂದು ಶನಿವಾರ ಟ್ವೀಟ್‌ ಮಾಡಿದ್ದಾರೆ.

ರಾಜ್ಯದಲ್ಲಿನ ಎನ್‌ಡಿಎ ಅಭ್ಯರ್ಥಿಗಳ ಪರವಾಗಿ ಮತ ಯಾಚಿಸುವ ಸಲುವಾಗಿ ಫೋರ್‌ಬ್‌ಸ್‌ಗಂಜ್‌ ಪಟ್ಟಣದಲ್ಲಿ ನಡೆಯುವ ರಾಲಿಯಲ್ಲಿ ಪ್ರಧಾನಿ ಮೋದಿ ಮಾತನಾಡುವುದಕ್ಕೆ ತಾಸುಗಳಿರುವಂತೆಯೇ ತೇಜಿಸ್ವಿ ಯಾದವ್‌ ಟ್ವೀಟ್‌ ಮಾಡಿ, ಪ್ರಧಾನಿ ಮೋದಿ ಅವರು ಈ ರಾಲಿಯಲ್ಲಿ ಭಾಷಣ ಮಾಡುತ್ತಾ ಅತೀ ಹಿಂದುಳಿದ ವರ್ಗಗಳ ಪುತ್ರ ತಾನೆಂದು ಬಿಂಬಿಸಿಕೊಳ್ಳಲಿದ್ದಾರೆ ಎಂದು ಲೇವಡಿ ಮಾಡಿದರು.

ಪ್ರಧಾನಿ ಮೋದಿ ಅವರು ರಾಜ್ಯದಲ್ಲಿನ ಈ ರಾಲಿಗಳಲ್ಲಿ 2014ರ ಚುನಾವಣೆ ಸಂದರ್ಭದಲ್ಲಿ ಮಾಡಿದ್ದ ಭಾಷಣದಲ್ಲಿನ ಭರವಸೆಗಳನ್ನೇ ಪುನರುಚ್ಚರಿಸಲಿದ್ದಾರೆ ಎಂದು ತೇಜಸ್ವಿ ಹೇಳಿದ್ದಾರೆ.