ಬಿಹಾರ NDA ಸೀಟು ಹಂಚಿಕೆ: BJPಗೆ 18, ಜೆಡಿಯುಗೆ 17, ಎಲ್‌ಜೆಪಿಗೆ 5

Team Udayavani, Dec 22, 2018, 10:33 AM IST

ಹೊಸದಿಲ್ಲಿ : 2019ರ ಲೋಕಸಭಾ ಚುನಾವಣೆಗಾಗಿ ಬಿಹಾರದಲ್ಲಿ ಎನ್‌ಡಿಎ ಸೀಟು ಹಂಚಿಕೆ ಅಂತಿಮಗೊಂಡಿದೆ. ಇಂದು ಶನಿವಾರ ಸಂಜೆ ನಡೆಸಲಾಗುವ ಪತ್ರಿಕಾ ಗೋಷ್ಠಿಯಲ್ಲಿ ಇದನ್ನು ಅಧಿಕೃತವಾಗಿ ಪ್ರಕಟಿಸಲಾಗುವುದು ಎಂದು ಎನ್‌ಡಿಎ ಮೂಲಗಳು ತಿಳಿಸಿವೆ.

ಈಗಾಗಲೇ ಅಂತಿಮಗೊಂಡಿರುವ ವ ಸೀಟು ಹಂಚಿಕೆ ಪ್ರಕಾರ ಬಿಹಾರದಲ್ಲಿ ಭಾರತೀಯ ಜನತಾ ಪಕ್ಷ 18 ಲೋಕಸಭಾ ಸೀಟುಗಳನ್ನು ಪಡೆಯಲಿದೆ; ಜನತಾ ದಳ ಯುನೈಟೆಡ್‌ (ಜೆಡಿಯು) ಗೆ 17 ಸೀಟುಗಳು ಮತ್ತು ಲೋಕಜನಶಕ್ತಿ ಪಕ್ಷಕ್ಕೆ (ಎಲ್‌ ಜೆಪಿ) 5 ಸೀಟುಗಳು ಸಿಗಲಿವೆ. 

ಎಲ್‌ಜೆಪಿ ಮುಖ್ಯಸ್ಥ ಮತ್ತು ಕೇಂದ್ರ ಸಚಿವರಾಗಿರುವ ರಾಮ್‌ ವಿಲಾಸ್‌ ಪಾಸ್ವಾನ್‌, ಅವರ ಪುತ್ರ ಚಿರಾಗ್‌ ಪಾಸ್ವಾನ್‌ ಮತ್ತು ಬಿಜೆಪಿ ನಾಯಕ ಅರುಣ್‌ ಜೇತ್ವಿ ಅವರ ನಡುವೆ ನಿನ್ನೆ ನಡೆದಿದ್ದ ಸೀಟು ಹಂಚಿಕೆ ಸಭೆಯಲ್ಲಿ ಈ ಸೂತ್ರವನ್ನು ಅಂತಿಮಗೊಳಿಲಾಯಿತು. 

ಒಪ್ಪಿಕೊಂಡ ವ್ಯವಸ್ಥೆಯ ಪ್ರಕಾರ ಪಾಸ್ವಾನ್‌ ಅವರಿಗೆ ರಾಜ್ಯ ಸಭೆ ಸೀಟನ್ನು ಕೊಡಲಾಗುವುದು ಎಂದು ತಿಳಿದು ಬಂದಿದೆ.