ಮಾಫಿಯಾ ನಂಟು: ಬಿಜೆಡಿ ಮಹಿಳಾ ಕಾರ್ಪೊರೇಟರ್‌ ಅರೆಸ್ಟ್‌

Team Udayavani, Mar 8, 2018, 11:32 AM IST

ಕಟಕ್‌ : ಜೈಲು ಪಾಲಾಗಿರುವ ಇಬ್ಬರು ಮಾಫಿಯಾ ಸಹೋದರರೊಂದಿಗೆ ನಂಟು ಹೊಂದಿರುವ ಕಾರಣಕ್ಕೆ ಆಳುವ ಬಿಜೆಡಿಯ ಮಹಿಳಾ ಕಾರ್ಪೊರೇಟರ್‌ ರಂಜೀತಾ ಬಿಸ್ವಾಲ್‌ ಳನ್ನು ಬಂಧಿಸಲಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಬಿಸ್ವಾಲ್‌ ದಿನಂಪ್ರತಿ ಎಂಬಂತೆ ಜೈಲಿಗೆ ಬಂದು ಸೆರೆಯಲ್ಲಿರುವ ಮಾಫಿಯಾ ಸಹೋದರರನ್ನು ಭೇಟಿಯಾಗುತ್ತಿದ್ದಳು. ಮೃತ್ಯುಂಜಯ ನಾಯಕ್‌ ಎಂಬಾತನಿಗೆ ಆಕೆ (ರಂಜೀತಾ) 60 ಸುತ್ತಿನ ಮದ್ದುಗುಂಡು ಪೂರೈಸಿದ್ದಳು. ಈ ಮೃತ್ಯುಂಜಯ ನಾಯಕ ನು ಸುಭದ್ರಾಪುರದಲ್ಲಿನ ಗುತ್ತಿಗೆದಾರ ಬಿಜಯ್‌ ಪಾಲ್‌ ಎಂಬವರನ್ನು ಅವರ ಮನೆಯಲ್ಲೇ ಗುಂಡಿಕ್ಕಿ ಸಾಯಿಸಿದ್ದ. ಆ ಕಾರಣಕ್ಕಾಗಿ ಆತನನ್ನು ಕಳೆದ ಭಾನುವಾರ ಬಂಧಿಸಲಾಗಿತ್ತು ಎಂದು ಡಿಸಿಪಿ ಅಖೀಲೇಶ್ವರ ಸಿಂಗ್‌ ಹೇಳಿದ್ದಾರೆ. 

ಮೃತ್ಯುಂಜಯ ನಾಯಕನಿಂದ 2 ಪಿಸ್ತೂಲು ಮತ್ತು 29 ಮದ್ದುಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದವರು ತಿಳಿಸಿದರು. 

ರಂಜೀತಾ ಬಿಸ್ವಾಲ್‌ ಅವರ ಬಂಧನವಾದೊಡನೆಯೇ ಆಕೆಯನ್ನು ಬಿಜೆಡಿ ಪ್ರಾಥಮಿಕ ಸದಸ್ಯತ್ವದಿಂದಲೇ ಅಮಾನತು ಮಾಡಲಾಗಿದೆ.