ಆರ್‌ಎಸ್‌ಎಸ್‌ -ನೇತಾಜಿ ಸಿದ್ಧಾಂತ ಭಿನ್ನ: ಅನಿತಾ ಬೋಸ್‌

Team Udayavani, Jan 22, 2023, 6:45 AM IST

ನವದೆಹಲಿ: ನೇತಾಜಿ ಸುಭಾಷ್‌ ಚಂದ್ರ ಬೋಸ್‌ ಅವರ ಜಯಂತಿ ಆಚರಿಸಲು ಆರ್‌ಎಸ್‌ಎಸ್‌ ಸಿದ್ಧತೆಗಳನ್ನು ನಡೆಸುತ್ತಿರುವ ನಡುವೆಯೇ ಬೋಸ್‌ ಅವರ ಪುತ್ರಿ ಅನಿತಾ ಬೋಸ್‌, ನಮ್ಮ ತಂದೆಯ ಸಿದ್ಧಾಂತ ಹಾಗೂ ಆರ್‌ಎಸ್‌ಎಸ್‌ ಸಿದ್ಧಾಂತ ಎರಡೂ ಬೇರೆಯಾಗಿದ್ದು ಅವು ಹೊಂದಿಕೆಯಾಗುವುದಿಲ್ಲ ಎಂದಿದ್ದಾರೆ.

ತಮ್ಮ ತಂದೆಯ ಜಯಂತಿ ಸಿದ್ಧತೆ ಕುರಿತಂತೆ ಪ್ರತಿಕ್ರಿಯಿಸಿದ ಅವರು, ನಮ್ಮ ತಂದೆ ಓರ್ವ ನಿಷ್ಠಾವಂತ ಹಿಂದೂ. ಆದರೆ ಇತರೆ ಧರ್ಮಗಳನ್ನು ಗೌರವಿಸುವಂಥ ಮನೋಭಾವ ಹೊಂದಿದ್ದರು. ಸರ್ವಧರ್ಮದ ಸಹಕಾರವನ್ನು ಅವರು ಬಯಸಿದ್ದರು.

ಬೋಸ್‌ ಅವರ ಜಾತ್ಯತೀತ ಪರಿಕಲ್ಪನೆಯಾಗಲಿ,
ಸಿದ್ಧಾಂತಗಳಾಗಲಿ ಆರ್‌ಎಸ್‌ಎಸ್‌ ಅಥವಾ ಬಿಜೆಪಿಯೊಂದಿಗೆ ಹೊಂದಿಕೆಯಾಗುವುದಿಲ್ಲ. ದೇಶದಲ್ಲಿ ಬಹುಶಃ ನಮ್ಮ ತಂದೆಯ ಸಿದ್ಧಾಂತ ಹೆಚ್ಚು ಹೊಂದಿಕೆಯಾಗುವುದು ಕಾಂಗ್ರೆಸ್‌ ಜತೆಗೆ ಎಂದು ಹೇಳಿದ್ದಾರೆ.