J&K ;ನಾಲ್ಕನೇ ಪಟ್ಟಿ ಬಿಡುಗಡೆ ಮಾಡಿದ ಬಿಜೆಪಿ: ನೌಶೇರಾದಿಂದ ರೈನಾ ಕಣಕ್ಕೆ

Team Udayavani, Sep 2, 2024, 7:35 PM IST

ಹೊಸದಿಲ್ಲಿ: ಜಮ್ಮು ಮತ್ತು ಕಾಶ್ಮೀರ ವಿಧಾನಸಭಾ ಚುನಾವಣೆಗೆ ಬಿಜೆಪಿ(BJP) ಸೋಮವಾರ(ಸೆ 2) ಅಭ್ಯರ್ಥಿಗಳ ನಾಲ್ಕನೇ ಪಟ್ಟಿ ಬಿಡುಗಡೆ ಮಾಡಿದೆ.

ಬಿಜೆಪಿ ರಾಜ್ಯಾಧ್ಯಕ್ಷ ರವೀಂದರ್ ರೈನಾ ಅವರು ಹೆಸರು ಪಟ್ಟಿಯಲ್ಲಿದ್ದು ನೌಶೇರಾ ಕ್ಷೇತ್ರದಿಂದ ಕಣಕ್ಕಿಳಿಯುತ್ತಿದ್ದಾರೆ. ಲಾಲ್ ಚೌಕ್ ನಿಂದ ಐಜಾಜ್ ಹುಸೇನ್, ಈದ್ಗಾ ದಿಂದ ಆರಿಫ್ ರಾಜಾ, ಖಾನ್ ಸಾಹೀಬ್ ನಿಂದ ಡಾ. ಮೊಹಮದ್ ಮಿರ್ , ಚ್ರಾರ್ ಇ ಶರೀಫ್ ನಿಂದ ಜಾಯಿದ್ ಹುಸೇನ್, ರಾಜೌರಿ (ಎಸ್ ಟಿ ಮೀಸಲು ಕ್ಷೇತ್ರ) ವಿಭೋದ್ ಗುಪ್ತಾ ಅವರು ಕಣಕ್ಕಿಳಿಯಲಿದ್ದಾರೆ. ರವೀಂದರ್ ರೈನಾ ಅವರು ಈಗಾಗಲೇ ನೌಶೇರಾ ಕ್ಷೇತ್ರದಲ್ಲಿ ಭರ್ಜರಿ ಪ್ರಚಾರ ನಡೆಸುತ್ತಿದ್ದಾರೆ.

90 ಸದಸ್ಯರ ವಿಧಾನಸಭೆಗೆ 3 ಹಂತಗಳಲ್ಲಿ ಮತದಾನ ನಡೆಯುತ್ತಿದ್ದು ಸೆಪ್ಟೆಂಬರ್‌ 18 ರಂದು ಮೊದಲ ಹಂತದ ಮತದಾನ ನಡೆಯಲಿದೆ. ಅಕ್ಟೋಬರ್ 1 ರಂದು ಮೂರನೇ ಹಂತದ ಮತದಾನ ನಡೆಯಲಿದೆ. ಮತಗಳನ್ನು ಎಣಿಕೆ ಅಕ್ಟೋಬರ್ 8 ರಂದು ನಡೆಯಲಿದೆ.

2019 ರಲ್ಲಿ ರಾಜ್ಯದ ವಿಶೇಷ ಸ್ಥಾನಮಾನವನ್ನು ಹಿಂತೆಗೆದುಕೊಂಡ ನಂತರ ಮತ್ತು ಅದರ ರಾಜ್ಯತ್ವವನ್ನು ಹಿಂತೆಗೆದುಕೊಂಡ ನಂತರ ಇದು ಬಿಜೆಪಿಗೆ ಮಹತ್ವದ ಚುನಾವಣೆಯಾಗಿದೆ.