ಅಸ್ಸಾಂ ಸಿಎಂ ವಿರುದ್ಧ ಆಕ್ಷೇಪಾರ್ಹ FB ಪೋಸ್ಟ್‌ : ಬಿಜೆಪಿ ಪದಾಧಿಕಾರಿ ಸೆರೆ

Team Udayavani, Jun 14, 2019, 7:29 PM IST

ಮೋರಿಗಾಂವ್‌, ಅಸ್ಸಾಂ : ಮುಖ್ಯಮಂತ್ರಿ ಶರಬಾನಂದ ಸೋನೋವಾಲ್‌ ವಿರುದ್ಧ ಸಾಮಾಜಿಕ ಮಾದ್ಯಮದಲ್ಲಿ ಆಕ್ಷೇಪಾರ್ಹ ಪೋಸ್ಟಿಂಗ್‌ ಮಾಡಿರುವ ಕಾರಣಕ್ಕೆ ಅಸ್ಸಾಮಿನ ಬಿಜೆಪಿಯ ಮೋರಿಗಾಂವ್‌ ಜಿಲ್ಲೆಯ ಐಟಿ ಮತ್ತು ಸೋಶಿಯಲ್‌ ಮೀಡಿಯ ವಿಭಾಗದ ಸಂಚಾಲಕ ನಿತು ಕುಮಾರ್‌ ಬೋರಾ ಅವರನ್ನು ಬಂಧಿಸಲಾಗಿದೆ.

ಹಿಂದು ಮಹಿಳೆಯ ವಿರುದ್ಧ ನಿರ್ದಿಷ್ಟ ಸಮುದಾಯವೊಂದು ಕಾನೂನು ಬಾಹಿರವಾಗಿ ನಡೆದುಕೊಳ್ಳುತ್ತಿದ್ದಾಗ ಸಿಎಂ ಸೋನೋವಾಲ್‌ ಮತ್ತು ಅವರ ಗೃಹ ಸಚಿವಾಲಯದವರು ಮೂಕ ಪ್ರೇಕ್ಷಕರಾದರು ಎಂದು ಬೋರಾ ಅವರು ಫೇಸ್‌ ಬುಕ್‌ ಖಾತೆಯಲ್ಲಿ ಬರೆದಿದ್ದರು ಎಂದು ಮೋರಿಗಾಂವ್‌ ಪೊಲೀಸ್‌ ಸುಪರಿಂಟೆಂಡೆಂಟ್‌ ಸ್ವಪ್ನನೀಲ್‌ ಡೇಕಾ ಹೇಳಿದರು.

ಗೃಹ ಖಾತೆಯನ್ನು ಹಣಕಾಸು ಸಚಿವರಾಗಿರುವ ಹಿಮಾಂತ ಬಿಸ್ವ ಶರ್ಮಾ ಅವರ ಕೈಗೆ ಒಪ್ಪಿಸುವುದೇ ಲೇಸೆಂದು ಕೂಡ ಬೋರಾ ಬರೆದಿದ್ದರು.

ಬಂಧನದ ಬಳಿಕ ಬೋರಾ ಅವರನ್ನು ಜಾಮೀನಿನಲ್ಲಿ ಬಿಡುಗಡೆ ಮಾಡಲಾಗಿದೆ ಎಂದು ಡೇಕಾ ತಿಳಿಸಿದರು.