ಬಿಜೆಪಿಯ ಆರ್‌ಎಸ್‌ಎಸ್‌ ನಲ್ಲಿ ಸರ್ವಾಧಿಕಾರಿ ಪ್ರವೃತ್ತಿ: ರಾಹುಲ್‌

Team Udayavani, Jan 25, 2019, 12:20 PM IST

ಭುವನೇಶ್ವರ : ಬಿಜೆಪಿಯ ಮಾತೃ ನಾವೆಯಾಗಿರುವ ಆರ್‌ಎಸ್‌ಎಸ್‌ ದೇಶದ ಪ್ರಜಾಸತ್ತೆಯ ಎಲ್ಲ ಸಂಸ್ಥೆಗಳನ್ನು ತನ್ನ ವಶಕ್ಕೆ ತೆಗೆದುಕೊಳ್ಳಲು ಹವಣಿಸುತ್ತಿದೆ. ಇದು ನಾರ್ತ್‌ ಬ್ಲಾಕ್‌ ಆಗಲೀ, ಸೌತ್‌ ಬ್ಲಾಕ್‌ ಆಗಲೀ ಎಲ್ಲೆಡ ಕಂಡು ಬರುತ್ತಿದೆ. ಇದರಿಂದಾಗಿ ನ್ಯಾಯಾಂಗವೂ ಸೇರಿದಂತೆ ದೇಶದ ಪ್ರಜಾಸತ್ತೆಯ ಎಲ್ಲ ಉನ್ನತ ಸಂಸ್ಥೆಗಳಲ್ಲಿ ಗೊಂದಲ, ಕ್ಷೋಭೆ ಉಂಟಾಗಿದೆ ಎಂದು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರಿಂದು ಆರೋಪಿಸಿದರು. 

ಲೋಕಸಭಾ ಚುನಾವಣೆಗೆ ಮುನ್ನ ದೇಶದ ಬುದ್ಧಿಜೀವಿಗಳು, ಚಿಂತಕರು ಮತ್ತು ಪ್ರಗತಿಪರರನ್ನು ತಲುಪುವ ಯತ್ನದ ಭಾಗವಾಗಿ ನಡೆಸಲಾಗಿದ್ದ ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡುತ್ತಿದ್ದ ರಾಹುಲ್‌ ಗಾಂಧಿ, “ಕಾಂಗ್ರೆಸ್‌ ಪಕ್ಷ ಬಿಜೆಪಿಯ ಹಾಗಲ್ಲ; ಕಾಂಗ್ರೆಸ್‌ ಪಕ್ಷ ವಿಕೇಂದ್ರೀಕರಣ, ಸಾಂವಿಧಾನಿಕ ಮುನ್ನಡೆ ಮತ್ತು ಪ್ರಜಾಸತ್ತಾತ್ಮಕ ಸಂಸ್ಥೆಗಳ ಸ್ವಾಯತ್ತೆಯನ್ನು ಗೌರವಿಸುತ್ತದೆ’ ಎಂದು ಹೇಳಿದರು.