ಕೃಷ್ಣಾ ನದಿಯಲ್ಲಿ ದೋಣಿ ದುರಂತ: 17 ಜನ ಸಾವು

Team Udayavani, Nov 13, 2017, 6:45 AM IST

ಅಮರಾವತಿ: ಸಾಮರ್ಥ್ಯಕ್ಕಿಂತ ಹೆಚ್ಚು ಜನರನ್ನು ತುಂಬಿಕೊಂಡು ಸಾಗುತ್ತಿದ್ದ ದೋಣಿಯೊಂದು ಕೃಷ್ಣಾ ನದಿಯಲ್ಲಿ ಮುಳುಗಿದ ಪರಿಣಾಮ 16 ಮಂದಿ ಅಸುನೀಗಿದ್ದಾರೆ. ಅಸುನೀಗಿದವರ ಪೈಕಿ ಆರು ಮಹಿಳೆಯರು, ನಾಲ್ವರು ಮಕ್ಕಳೂ ಸೇರಿದ್ದಾರೆ. ಈ ಘಟನೆಯಲ್ಲಿ 7 ಮಂದಿ ನಾಪತ್ತೆಯಾಗಿದ್ದಾರೆ. ಇತರ 15 ಮಂದಿಯನ್ನು ಮೀನುಗಾರರು ಪಾರು ಮಾಡಿದ್ದಾರೆ. ವಿಜಯವಾಡದ ಬಳಿ ರವಿವಾರ ಸಂಜೆ ಜರುಗಿದೆ. 

ಖಾಸಗಿ ಪ್ರವಾಸಿ ಸಂಸ್ಥೆಯೊಂದಕ್ಕೆ ಸಂಬಂಧಿಸಿದ ಈ ದೋಣಿ ಪ್ರವಾಸಿಗರನ್ನು ತುಂಬಿಕೊಂಡು ಭವಾನಿಪುರದ ಬಳಿಯ ಪುಣ್ಣಮಿ ಘಾಟ್‌ನಿಂದ ಪವಿತ್ರ ಸಂಗಮಮ್‌ ಕಡೆಗೆ ಸಾಗುತ್ತಿದ್ದಾಗ ಈ ದುರಂತ ಸಂಭವಿಸಿದೆ. 

ಪುಟ್ಟ ದೋಣಿಯಲ್ಲಿ 38 ಪ್ರಯಾಣಿಕರು ತುಂಬಿದ್ದರು. ನದಿಯ ಮಧ್ಯಕ್ಕೆ ಹೋದ ಕೂಡಲೇ ದೋಣಿ ಮಗುಚಿಕೊಂಡಿತು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. 

ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆಯ (ಎನ್‌ಡಿಆರ್‌ಎಫ್) ತುಕಡಿಯೊಂದು ಆಗಮಿಸಿ ಪರಿಹಾರ ಕಾರ್ಯ ಕೈಗೊಂಡಿದ್ದಾರೆ.