ಗುವಾಹಟಿ : 45 ಜನರಿದ್ದ ಬೋಟ್‌ ಮುಳುಗಡೆ ; 25 ಮಂದಿ ನಾಪತ್ತೆ

Team Udayavani, Sep 5, 2018, 3:57 PM IST

ಗುವಾಹಟಿ (ಅಸ್ಸಾಂ): ಬ್ರಹ್ಮಪುತ್ರ ನದಿಯಲ್ಲಿ  ಯಾಂತ್ರಿಕೃತ ದೋಣಿಯೊಂದು ಬುಧವಾರ ಮಧ್ಯಾಹ್ನ ಮುಳುಗಡೆಯಾಗಿದ್ದು  ಕನಿಷ್ಠ 25 ಮಂದಿ ನಾಪತ್ತೆಯಾಗಿರುವ ಬಗ್ಗೆ ವರದಿಯಾಗಿದೆ. 

45 ಜನರನ್ನು ಹೊತ್‌ತೊಯ್ಯುತ್ತಿದ್ದ ಬೋಟ್‌ ದಡದಿಂದ 200 ಮೀಟರ್‌ ಮುಂದಕ್ಕೆ ಚಲಿಸುವಷ್ಟರಲ್ಲಿ ಪಲ್ಟಿಯಾಗಿದ್ದು, ಕೂಡಲೇ 12 ಮಂದಿ ಈಜಿ ದಡ ಸೇರಿದ್ದು,ಕೆಲವರನ್ನು ರಕ್ಷಿಸಲಾಗಿದೆ. 

25 ಮಂದಿ ನಾಪತ್ತೆಯಾಗಿರುವ ಬಗ್ಗೆ ವರದಿಯಾಗಿದ್ದು,ಎನ್‌ಡಿಆರ್‌ಎಫ್,ಅಗ್ನಿ ಶಾಮಕದಳದ ಸಿಬಂದಿಗಳು, ಪೊಲೀಸರು ಮತ್ತು ಸ್ಥಳೀಯರು ರಕ್ಷಣಾ ಕಾರ್ಯ ನಡೆಸುತ್ತಿದ್ದಾರೆ. 

ನಾಪತ್ತೆಯಾದವರಲ್ಲಿ ಹೆಚ್ಚಿನವರು ಶಾಲಾ ಮಕ್ಕಳು ಮತ್ತು ಮಹಿಳೆಯರು ಎಂದು ವರದಿಯಾಗಿದೆ. 

ಗುವಾಹಟಿಯಿಂದ ಉತ್ತರ ಗುವಾಹಟಿಯತ್ತ ಪ್ರತಿನಿತ್ಯವೂ ಜಲಮಾರ್ಗವನ್ನು ಅವಲಂಬಸಿ ನೂರಾರು ಜನರು ಪ್ರಯಾಣಿಸುತ್ತಿದ್ದರು ಎಂದು ತಿಳಿದು ಬಂದಿದೆ. 

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.