ಚಿತ್ರಮಂದಿರಗಳ ಸಮಸ್ಯೆಯಲ್ಲಿ ಬಾಲಿವುಡ್‌

Team Udayavani, Oct 28, 2021, 7:00 AM IST

ನವದೆಹಲಿ: ಚಿತ್ರಮಂದಿರಗಳಲ್ಲಿ ಶೇ. 100ರಷ್ಟು ಆಸನ ಭರ್ತಿಗೆ ಅವಕಾಶ ಕಲ್ಪಿಸಿದ್ದೇ ತಡ, ಬಾಲಿವುಡ್‌ನ‌ ದೊಡ್ಡ ಸಿನಿಮಾಗಳು ಬಿಡುಗಡೆಗೆ ಸಾಲುಗಟ್ಟಿ ನಿಂತಿವೆ. ಆದರೆ, ಅವುಗಳಿಗೆ ಅಗತ್ಯ ಪ್ರಮಾಣದಲ್ಲಿ ಚಿತ್ರಮಂದಿರಗಳು ಸಿಗುತ್ತವೆಯೇ ಎಂಬುದು ಈಗ ದೊಡ್ಡ ಸಮಸ್ಯೆಯಾಗಿದೆ.

ಇವುಗಳಲ್ಲಿ, ಬರೋಬ್ಬರಿ 750 ಕೋಟಿ ರೂ. ಬಜೆಟ್‌ನಲ್ಲಿ ನಿರ್ಮಾಣವಾಗುತ್ತಿರುವ ಹೃತಿಕ್‌ ರೋಷನ್‌- ರಣಬೀರ್‌ ಕಪೂರ್‌ ತಾರಾಗಣದ “ರಾಮಾಯಣ’, ರಣಬೀರ್‌ ಕಪೂರ್‌- ಆಲಿಯಾ ಭಟ್‌ ತಾರಾಗಣದ ಬ್ರಹ್ಮಾಸ್ತ್ರ ಚಿತ್ರ ಸೇರಿವೆ. ಇನ್ನು, ಬಾಹುಬಲಿ ಖ್ಯಾತಿಯ ಪ್ರಭಾಸ್‌ ಅಭಿಯನದಲ್ಲಿ ಮುಂದೆ ಬರುತ್ತಿರುವ ಮೂರು ಚಿತ್ರಗಳೂ (“ಸಲಾರ್‌’ ಸಿನಿಮಾ ಸೇರಿ) ತಲಾ 400 ಕೋಟಿ ರೂ. ಮೀರಿವೆ.

ಇಂಥ ದೊಡ್ಡ ಬಜೆಟ್‌ ಸಿನಿಮಾಗಳಿಗೆ ಹಾಕಿರುವ ಬಂಡವಾಳ ಹಿಂದಿರುಗಬೇಕಾದರೆ ಅವು ಹೆಚ್ಚೆಚ್ಚು ಚಿತ್ರಮಂದಿರಗಳಲ್ಲಿ ತೆರೆಕಾಣಬೇಕು. ಆದರೆ, ಸಾಲು ಚಿತ್ರಗಳು ತೆರೆಕಾಣಲು ಸಿದ್ಧವಿರುವುದರಿಂದ ಹೊಸ ಸಿನಿಮಾಗಳಿಗೆ ಚಿತ್ರಮಂದಿರಗಳ ಬರ ಆವರಿಸಿದೆ. ಇನ್ನು, ಒಟಿಟಿಗಳೂ ತಮ್ಮ ಸಿನಿಮಾ ಕೊಳ್ಳುವ ನಿಯಮಗಳಲ್ಲಿ ಬದಲಾವಣೆ ಮಾಡಿಕೊಂಡಿರುವುದಿರಂದ ಅಲ್ಲಿಯೂ ನಿರೀಕ್ಷಿತ ಲಾಭ ಸಿಗುವುದು ಅನುಮಾನ ಎನ್ನಲಾಗಿದೆ.

ಇದನ್ನೂ ಓದಿ:ಅಸ್ಸಾಂ ಸಿಎಂಗೆ ಚುನಾವಣಾ ಆಯೋಗ ಎಚ್ಚರಿಕೆ