ಲಕ್ನೋ ನ್ಯಾಯಾಲಯದಲ್ಲಿ ಬಾಂಬ್ ಸ್ಪೊಟ: 3 ಸಜೀವ ಬಾಂಬ್ ಪತ್ತೆ, ಹಲವರಿಗೆ ಗಾಯ

Team Udayavani, Feb 13, 2020, 1:31 PM IST

ಲಕ್ನೋ: ಇಲ್ಲಿನ ವಜೀರ್ ಗಂಜ್ ನ್ಯಾಯಾಲಯದಲ್ಲಿ ಬಾಂಬ್ ಸ್ಪೋಟವಾಗಿದ್ದು, ಹಲವರು ಗಾಯಗೊಂಡಿದ್ದಾರೆ. ಸಂಕೀರ್ಣದಲ್ಲಿ ಮೂರು ಸಜೀವ ಬಾಂಬ್ ಗಳು ಪತ್ತೆಯಾಗಿದೆ.

ಘಟನೆಯಲ್ಲಿ ಓರ್ವ ಗಂಭೀರ ಗಾಯಗೊಂಡಿದ್ದು, ಮತ್ತಿಬ್ಬರು ಸಣ್ಣಪುಟ್ಟ ಗಾಯಗೊಂಡಿದ್ದಾರೆ.

ಸ್ಥಳೀಯರ ಪ್ರಕಾರ, ಎರಡು ವಕೀಲರ ಗುಂಪಿನ ನಡುವಿನ ಗಲಾಟೆಯೇ ಈ ಸ್ಪೋಟಕ್ಕೆ ಕಾರಣವಾಗಿದೆ. ನ್ಯಾಯಾಲಯದಲ್ಲಿದ್ದ ಓರ್ವ ವಕೀಲರನ್ನು ಗುರಿ ಮಾಡಿ ಈ ಸ್ಪೋಟ ಮಾಡಲಾಗಿದೆ ಎನ್ನಲಾಗಿದೆ. ಲಕ್ನೋ ಬಾರ್ ಅಸೋಸಿಯೇಶನ್ ನ ಜಂಟಿ ಕಾರ್ಯದರ್ಶಿ ಸಂಜೀವ್ ಲೋಧಿ ಅವರನ್ನು ಗುರಿ ಮಾಡಲಾಗಿದೆ ಎನ್ನಲಾಗಿದೆ.

ವಜೀರ್ ಗಂಜ್ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಬಾಂಬ್ ಇಟ್ಟಿದ್ದಾನೆ ಎನ್ನಲಾದ ಆರೋಪಿ ಜೀತು ಯಾದವ್ ಎಂಬವನನ್ನು ಸೆರೆ ಹಿಡಿಯಲಾಗಿದೆ. ದೇಶೀಯ ನಿರ್ಮಿತ ಬಾಂಬ್ ಇದಾಗಿತ್ತು ಎನ್ನಲಾಗಿದೆ.