10 ವರ್ಷದಲ್ಲಿ ಬ್ರಹ್ಮೋಸ್‌ ಕ್ಷಿಪಣಿ ಹೈಪರ್‌ಸಾನಿಕ್‌

Team Udayavani, Dec 7, 2017, 7:35 AM IST

ಹೊಸದಿಲ್ಲಿ: ದೇಸಿ ನಿರ್ಮಿತ ಬ್ರಹ್ಮೋಸ್‌ ಕ್ಷಿಪಣಿಯ ಸಾಮರ್ಥ್ಯವನ್ನು ಹಂತಹಂತವಾಗಿ 10 ವರ್ಷಗಳೊಳಗೆ ಮೇಲ್ದರ್ಜೆಗೇರಿಸಲು ಬ್ರಹ್ಮೋಸ್‌ ಏರೋಸ್ಪೇಸ್‌ ಸಂಸ್ಥೆ ನಿರ್ಧರಿಸಿದೆ. ಪ್ರಸ್ತುತ ಕ್ಷಿಪಣಿ ಸೂಪರ್‌ಸಾನಿಕ್‌ ವೇಗ ಹೊಂದಿದ್ದು, ಅದನ್ನು ಹೈಪರ್‌ಸಾನಿಕ್‌ ಸಾಮರ್ಥ್ಯಕ್ಕೆ ಹೆಚ್ಚಿಸಲಾಗುವುದು ಎಂದು ಸಂಸ್ಥೆಯ ಎಂಡಿ ಸುಧೀರ್‌ಕುಮಾರ್‌ ಮಿಶ್ರಾ ಹೇಳಿದ್ದಾರೆ.

ಈಗ ಬ್ರಹ್ಮೋಸ್‌ ಕ್ಷಿಪಣಿಯ ವೇಗ 2.8 ಮ್ಯಾಕ್‌ ಇದ್ದು, 2 ವರ್ಷಗಳಲ್ಲಿ ಅದನ್ನು 3.5 ಮ್ಯಾಕ್‌ಗೆ, 5 ವರ್ಷಗಳಲ್ಲಿ 5 ಮ್ಯಾಕ್‌ಗೆ ಏರಿಸಲಾಗುವುದು. ನಂತರ ಹೈಪರ್‌ಸಾನಿಕ್‌ ಹಂತಕ್ಕೇರಿಸಲಾಗುವುದು. ಇದಕ್ಕಾಗಿ ಕ್ಷಿಪಣಿಯಲ್ಲಿರುವ ರಾಮ್‌ಜೆಟ್‌ ಎಂಜಿನ್‌ ಬದಲಾಯಿಸಿ, ಸಾðಮ್‌ಜೆಟ್‌ ಎಂಜಿನ್‌ ಅಳವಡಿಸಲಾಗುವುದು. ಅಲ್ಲದೇ, ವಾಯುಬಲ ವೈಜ್ಞಾನಿಕ ತಾಪಕ, ದಹನ, ಕಂಪನಗಳು ಮುಂತಾದ ಅಂಶಗಳನ್ನು ಸುಧಾರಿಸಲಾಗುವುದು. ಇದಕ್ಕಾಗಿ 7 ರಿಂದ 10 ವರ್ಷಗಳು ಬೇಕಾಗಲಿವೆ ಎಂದು ಮಿಶ್ರಾ ವಿವರಿಸಿದ್ದಾರೆ.

ಸವಾಲಾಗಿದ್ದ ಬ್ರಹ್ಮೋಸ್‌ ತಯಾರಿಸಿದ್ದೇವೆ. ಈಗ ಅಗತ್ಯಕ್ಕೆ ತಕ್ಕಂತೆ ಮೇಲ್ದರ್ಜೆಗೂ ಏರಿಸಲಿದ್ದೇವೆ ಎಂದಿದ್ದಾರೆ.