Panajai: ಗೂಳಿ ತಿವಿದು ಬ್ರಿಟನ್ ಮಹಿಳೆಗೆ ಗಾಯ… ಗೋವಾ ಕಡಲ ತೀರದಲ್ಲಿ ಘಟನೆ

Team Udayavani, Jan 12, 2024, 12:22 PM IST

ಪಣಜಿ: ಗೋವಾದ ಬಾಣಾವಲಿ ಕಡಲತೀರದಲ್ಲಿ ಗೂಳಿಯೊಂದು ಕೊಂಬಿನಿಂದ ತಿವಿದ ಪರಿಣಾಮ 79 ವರ್ಷದ ಬ್ರಿಟನ್ ಮಹಿಳೆಯೊಬ್ಬರು ಗಾಯಗೊಂಡಿರುವ ಘಟನೆ ನಡೆದಿದೆ. ಗಾಯಗೊಂಡ ಮಹಿಳೆಯನ್ನು ಕೂಡಲೇ ದಕ್ಷಿಣ ಗೋವಾ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎನ್ನಲಾಗಿದೆ.

ಗುರುವಾರ ಬೆಳಗ್ಗೆ 11 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಮೋರಿಸ್ ರವರು ಇತರ ಸ್ನೇಹಿತರೊಂದಿಗೆ ಬಾನಾವಳಿಯ ಕಡಲತೀರಕ್ಕೆ ಬಂದಿದ್ದರು. ಈ ವೇಳೆ ಬ್ರಿಟನ್ ಮಹಿಳೆ ಕಡಲ ತೀರದ ದಡದಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ, ನಾಯಿಯೊಂದು ಗೂಳಿಯನ್ನು ಅಟ್ಟಿಸಿಕೊಂಡು ಬಂದಿದ್ದರಿಂದ ಎತ್ತು ಓಡುವ ಭರದಲ್ಲಿ ಅದರ ಕೊಂಬುಗಳು ಮಹಿಳೆಯ ಕಾಲಿಗೆ ತಾಗಿ ಇರಿತದ ಗಾಯವಾಗಿದೆ ಎಂದು ಹೇಳಿದ್ದಾರೆ.

ಆಕೆಯನ್ನು ದಕ್ಷಿಣ ಗೋವಾದ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಆಕೆಯ ಕಾಲಿಗೆ ಐದು ಹೊಲಿಗೆಗಳನ್ನು ಹಾಕಲಾಗಿದೆ. ಸದ್ಯ ಮಹಿಳೆಯ ಸ್ಥಿತಿ ಉತ್ತಮವಾಗಿದೆ ಎಂದು ಜಿಲ್ಲಾ ಆಸ್ಪತ್ರೆ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: Shimoga; ಇಂದು ಯುವನಿಧಿ ಯೋಜನೆಗೆ ಚಾಲನೆ; ಲಕ್ಷಕ್ಕೂ ಹೆಚ್ಚು ಜನರಿಗೆ ಊಟದ ವ್ಯವಸ್ಥೆ