BSE ಮಹಾಪತನ; 1ಸಾವಿರ ಪಾಯಿಂಟ್ಸ್‌ ಕುಸಿತ: ಹೂಡಿಕೆದಾರರಿಗೆ 8.50 ಲಕ್ಷ ಕೋಟಿ ನಷ್ಟ

Team Udayavani, Jan 24, 2024, 12:41 AM IST

ಮುಂಬಯಿ: ಬಾಂಬೆ ಷೇರು ಪೇಟೆಯಲ್ಲಿ ಮಂಗಳವಾರ ರಕ್ತಪಾತವೇ ಉಂಟಾಗಿದೆ. ಬಾಂಬೆ ಷೇರು ಪೇಟೆಯ ಸೆನ್ಸೆಕ್ಸ್‌ 1,053 ಪಾಯಿಂಟ್ಸ್‌ ಪತನ ಗೊಂಡು ಕುಸಿದು 71 ಸಾವಿರಕ್ಕಿಂತ ಕೆಳಗಿಳಿದಿದೆ.

ದಿನದ ಆರಂಭದಲ್ಲಿ 450 ಪಾಯಿಂಟ್ಸ್‌ ಏರಿಕೆಯಿಂದ ಆರಂಭ ವಾಗಿರುವ ಸೆನ್ಸೆಕ್ಸ್‌ ಮಧ್ಯಂತರದಲ್ಲಿ 70,234 ಪಾಯಿಂಟ್ಸ್‌ ವರೆಗೆ ಕುಸಿತ ಕಂಡಿತ್ತು. ದಿನಾಂತ್ಯಕ್ಕೆ ಅದು 1,053 ಪಾಯಿಂಟ್ಸ್‌ ಕುಸಿದು 72,234ರಲ್ಲಿ ಸೆನ್ಸೆಕ್ಸ್‌ ಮುಕ್ತಾಯ ಗೊಂಡಿತು. ಈ ಪತನದಿಂದಾಗಿ ಬಾಂಬೆ ಷೇರು ಪೇಟೆಯಲ್ಲಿ ಹೂಡಿಕೆದಾರರಿಗೆ 8.50 ಲಕ್ಷ ಕೋಟಿ ರೂ. ನಷ್ಟವಾಗಿದೆ.

ಎಚ್‌ಡಿಎಫ್ಸಿ ಬ್ಯಾಂಕ್‌, ರಿಲಯನ್ಸ್‌ ಇಂಡಸ್ಟ್ರೀಸ್‌ ಮತ್ತು ಎಸ್‌ಬಿಐನ ಷೇರು ಗಳು ಪ್ರಧಾನವಾಗಿ ನಷ್ಟ ಅನುಭವಿ ಸಿದವು. ಇಸ್ರೇಲ್‌ ಮತ್ತು ಹಮಾಸ್‌ ನಡುವಿನ ಯುದ್ಧ, ಹೌತಿ ಬಂಡುಕೋರ ದಾಳಿಯಿಂದಾಗಿ ಜಗತ್ತಿನ ಷೇರು ಪೇಟೆ ವಹಿವಾಟಿನ ಮೇಲೆ ಪ್ರತಿಕೂಲ ಪರಿಣಾ ಮ ಉಂಟಾಗಿದೆ.

ಬಿಎಸ್‌ಇನಲ್ಲಿ ಒಟ್ಟು 24 ಕಂಪನಿಗಳ ಷೇರುಗಳು ನಷ್ಟ ಅನುಭವಿಸಿದವು ನಿಫ್ಟಿ ಕೂಡ 330 ಪಾಯಿಂಟ್ಸ್‌ ಕುಸಿತಗೊಂಡು 21,241 ಪಾಯಿಂಟ್ಸ್‌ಗೆ ವಹಿವಾಟು ಕೊನೆಗೊಳಿಸಿತು.

ಕುಸಿತಕ್ಕೆ ಕಾರಣಗಳೇನು?
· ಇಸ್ರೇಲ್‌ -ಹಮಾಸ್‌ ನಡುವಿನ ಯುದ್ಧ ತೀವ್ರಗೊಂಡಿರುವುದು
· ರಿಲಯನ್ಸ್‌ ಇಂಡಸ್ಟ್ರೀಸ್‌ನ ಷೇರುಗಳಿಗೆ ಬೇಡಿಕೆ ಕುಸಿತ
· ಕಾರ್ಪೊರೇಟ್‌ ಕಂಪನಿಗಳ ತ್ತೈಮಾಸಿಕ ವರದಿಗಳ ಬಗೆಗಿನ ಆತಂಕದ ನಿರೀಕ್ಷೆ