ಪಾಕ್ ಸೈನಿಕರ ಅಟ್ಟಹಾಸ; BSF ಯೋಧನ ಗಂಟಲು ಸೀಳಿ, ಕಣ್ಣು ಕಿತ್ತು ಹತ್ಯೆ

Team Udayavani, Sep 19, 2018, 4:06 PM IST

ಜಮ್ಮು/ನವದೆಹಲಿ: ಜಮ್ಮು ಸಮೀಪದ ಅಂತಾರಾಷ್ಟ್ರೀಯ ಗಡಿಯಲ್ಲಿ ಪಾಕ್ ಪುಂಡಾಟಿಕೆಯನ್ನು ಮುಂದುವರಿಸಿದ್ದು, ಮಂಗಳವಾರ ಪಾಕಿಸ್ತಾನಿ ಸೇನೆ ಬಿಎಸ್ ಎಫ್ ಯೋಧನ ಗಂಟಲು ಸೀಳಿ, ಕಣ್ಣುಗಳನ್ನು ಕಿತ್ತು ಕ್ರೂರವಾಗಿ ಹತ್ಯೆಗೈದಿರುವ ಘಟನೆ ನಡೆದಿದೆ. ಇದರಿಂದ ಉಭಯ ದೇಶಗಳ ನಡುವಿನ ವಾತಾವರಣ ಮತ್ತಷ್ಟು ಹದಗೆಟ್ಟಂತಾಗಿದೆ.

ಜಮ್ಮು ಸಮೀಪದ ಅಂತಾರಾಷ್ಟ್ರೀಯ ಗಡಿಯಲ್ಲಿ ಪಾಕ್ ಸೇನೆ ಬಿಎಸ್ ಎಫ್ ಯೋಧನ ಗಂಟಲನ್ನು ಸೀಳಿರುವುದಾಗಿ ಪಿಟಿಐ ವರದಿ ಮಾಡಿದೆ. ಈ ಕ್ರೂರ ಘಟನೆಯ ಬಳಿಕ ರಾಮ್ ಗಢ್ ಸೆಕ್ಟರ್ ನಲ್ಲಿ ಭದ್ರತಾ ಪಡೆಗಳು ಅಂತಾರಾಷ್ಟ್ರೀಯ ಗಡಿ ಹಾಗೂ ಗಡಿ ನಿಯಂತ್ರಣ ರೇಖೆ ಬಳಿ ಹೈ ಅಲರ್ಟ್ ಘೋಷಿಸಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

Border Securty Force (BSF) has raised the issue of killing of its jawan with the Pakistan Rangers at the sector level. BSF has also sought Director General of Military Operations (DGMO) to raise the issue with Pakistan at its level.

— ANI (@ANI) September 19, 2018

ಗಡಿಭಾಗದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ  ಯೋಧ ನರೇಂದ್ರ ಕುಮಾರ್ ಅವರನ್ನು ಶಸ್ತ್ರ ಸಹಿತ ಪಾಕ್ ಪಡೆಗಳು ಅಪಹರಿಸಿ ದೂರ ಕರೆದೊಯ್ದಿದ್ದರು. ಬಳಿಕ ಕ್ರೂರವಾಗಿ ಹಿಂಸಿಸಿ ಗಂಟಲು ಸೀಳಿ ಹತ್ಯೆಗೈದಿದ್ದರು. ಮಂಗಳವಾರ ಯೋಧನ ಶವ ದೊರೆತಿರುವುದಾಗಿ ಮಾಧ್ಯಮದ ವರದಿ ವಿವರಿಸಿದೆ. ಅಲ್ಲದೇ ಗಡಿ ಭದ್ರತಾ ಪಡೆ ಘಟನೆಯನ್ನು ಬಲವಾಗಿ ಖಂಡಿಸಿ ಪಾಕಿಸ್ತಾನಿ ರೇಂಜರ್ಸ್ ಗೆ ದೂರನ್ನು ಸಲ್ಲಿಸಿದೆ.