ಗೋವಾದಲ್ಲಿ “ಬಂಪರ್ ಕ್ಯಾಚ್” : ಮೀನುಗಾರಿಕೆ ಪುನರಾರಂಭ

Team Udayavani, Jul 27, 2022, 5:22 PM IST

ಪಣಜಿ: ಗೋವಾದಲ್ಲಿ ಕಳೆದ ಎರಡು ತಿಂಗಳುಗಳ ಕಾಲ ಬಂದ್ ಇದ್ದ ಪಾರಂಪರಿಕ ಪದ್ಧತಿಯ ಮೀನುಗಾರಿಕೆ ಪುನರಾರಂಭಗೊಂಡಿದ್ದು, ಪಣಜಿ ಸಮೀಪದ ಕರಂಜಾಳಿ ಸಮುದ್ರದಲ್ಲಿ ಮೀನುಗಾರರು ಹಾಕಿದ್ದ ಬಲೆಗೆ ಭಾರಿ ಪ್ರಮಾಣದಲ್ಲಿ ಮೀನುಗಳು ಬಿದ್ದಿದ್ದು ಇದನ್ನು “ಬಂಪರ್ ಕ್ಯಾಚ್” ಎಂದೇ ಬಣ್ಣಿಸಲಾಗುತ್ತಿದೆ.

ಗೋವಾದಲ್ಲಿ ಮಳೆಗಾಲದ ಸಂದರ್ಭದಲ್ಲಿ ಎರಡು ತಿಂಗಳುಗಳ ಕಾಲ ಆಳಸಮುದ್ರ ಮೀನುಗಾರಿಕೆಗೆ ಸಂಪೂರ್ಣ ನಿಷೇಧ ಹೇರಲಾಗುತ್ತದೆ. ಜೂನ್ 1 ರಿಂದ ಜುಲೈ 31 ರ ವರೆಗೆ ಮೀನುಗಾರಿಗೆ ಸರ್ಕಾರ ನಿಷೇಧ ಹೇರುತ್ತದೆ. ವಾರ್ಷಿಕ ಪದ್ಧತಿಯಂತೆಯೇ ಪಾರಂಪರಿಕ ಪದ್ಧತಿಯ ಮೀನುಗಾರಿಗೆ ಜುಲೈ 26 ರಿಂದ ಪುನರಾರಂಭಗೊಂಡಿದೆ. ಯಾಂತ್ರೀಕೃತ ಬೋಟ್‍ಗಳ ಮೀನುಗಾರಿಕೆ ಅಗಷ್ಟ್ 1 ರಿಂದ ಪುನರಾರಂಭಗೊಳ್ಳಲಿದೆ.

ಜುಲೈ 27 ರಂದು ಕರಂಜಾಳಿಮ್ ಸಮುದ್ರದಲ್ಲಿ ಪಾರಂಪರಿಕ ಪದ್ಧತಿಯ ಮೀನುಗಾರರು ಹಾಕಿದ್ದ ಬಲೆಗೆ ಭಾರಿ ಪ್ರಮಾಣದಲ್ಲಿ ಮೀನುಗಳು ಬಿದ್ದಿದ್ದು ಸ್ವತಃ ಮೀನುಗಾರರೇ ಇದನ್ನು ಕಂಡು ಅಚ್ಚರಿಗೊಂಡಿದ್ದಾರೆ.