ದೌರ್ಜನ್ಯದಿಂದ ರಕ್ಷಿಸಲು “ಮದುವೆ’ ವಿನಾಯಿತಿಯಲ್ಲ

Team Udayavani, Sep 2, 2017, 7:50 AM IST

ಹೊಸದಿಲ್ಲಿ: ಲೈಂಗಿಕ ದೌರ್ಜನ್ಯದಿಂದ ಹೆಣ್ಣು ಮಕ್ಕಳನ್ನು ರಕ್ಷಿಸಲು ಮದುವೆ ಎಂಬುದು ಕಾನೂನು ನೀಡಿರುವಂಥ ವಿನಾಯಿತಿಯಲ್ಲ.

15 ರಿಂದ 18 ರೊಳಗಿನ ಪತ್ನಿಯ ಜೊತೆ ಲೈಂಗಿಕ ಸಂಪರ್ಕ ಹೊಂದುವುದಕ್ಕೆ ಪತಿಗೆ ಕಾನೂನಾತ್ಮಕ ಅನುಮತಿ ಇರುವುದನ್ನು ಪ್ರಶ್ನಿಸಿ ಎನ್‌ಜಿಒ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ವೇಳೆ ಸುಪ್ರೀಂ ಕೋರ್ಟ್‌ ಈ ಅಭಿಪ್ರಾಯ ವ್ಯಕ್ತಪಡಿಸಿದೆ. 

ಇದೇ ವೇಳೆ, ಹೆಣ್ಣುಮಕ್ಕಳ ಹೆತ್ತವರ ಕುರಿತೂ ಅಸಮಾಧಾನ ವ್ಯಕ್ತಪಡಿಸಿದ ಕೋರ್ಟ್‌, “ನಮ್ಮ ದೇಶದಲ್ಲಿ ಹೆಚ್ಚಿನ ಬಾಲ್ಯ ವಿವಾಹಗಳನ್ನು ಹೆಣ್ಣು ಹೆತ್ತವರೇ ನಡೆಸುತ್ತಿರುವುದು ದುರದೃಷ್ಟಕರ’ ಎಂದಿದೆ. ಯಾವುದೇ ಪುರುಷ 15 ವರ್ಷ ಮೇಲ್ಪಟ್ಟ ಪತ್ನಿ ಜೊತೆ ಲೈಂಗಿಕ ಸಂಪರ್ಕ ಹೊಂದಲು ಕಾನೂನಲ್ಲಿ ಅವಕಾಶವಿದೆ. ಈ ವಯಸ್ಸಿನ ಮಿತಿ 18ಕ್ಕೇರಿಸಬೇಕು ಎಂದು ಎನ್‌ಜಿಒ ಕೋರಿದೆ. ಇದಕ್ಕೆ ನ್ಯಾಯಪೀಠ, “ಇಂಥ ಮದುವೆ ಈಗಲೂ ನಡೆಯುತ್ತಿವೆ. ನಾವು ರದ್ದುಪಡಿಸಿದರೆೆ, ಅಂಥ ಮದುವೆಯಿಂದ ಹುಟ್ಟುವ ಮಕ್ಕಳನ್ನೇನು ಮಾಡುವುದು’ ಎಂದಿತು.