“ನಗದು’ ವ್ಯವಹಾರವೇ ಕಿಂಗ್‌!

Team Udayavani, May 5, 2021, 6:23 AM IST

ಮುಂಬಯಿ: ಕೋವಿಡ್ ಸೋಂಕಿನ 2ನೇ ಅಲೆಯು ಭಾರತೀಯರಲ್ಲಿ “ಕ್ಯಾಶೇ ಕಿಂಗ್‌’ ಎಂಬ ಭಾವನೆಯನ್ನು ಹೆಚ್ಚಿಸಿದ್ದು, ಎಪ್ರಿಲ್‌ ತಿಂಗಳಲ್ಲಿ ಅಂದರೆ ಹೊಸ ಹಣಕಾಸು ವರ್ಷದ ಮೊದಲ 4 ವಾರಗಳಲ್ಲಿ ದೇಶದ ಜನ ಬರೋಬ್ಬರಿ 57,800 ರೂ.ಗಳನ್ನು ವಿತ್‌ಡ್ರಾ ಮಾಡಿಕೊಂಡಿದ್ದಾರೆ.

ಭಾರತೀಯ ರಿಸರ್ವ್‌ ಬ್ಯಾಂಕ್‌ನ ದತ್ತಾಂಶವೇ ಈ ಮಾಹಿತಿ ನೀಡಿದೆ. ಎ.23ರ ವೇಳೆಗೆ ಜನರ ಕೈಯ್ಯಲ್ಲಿ 29,07,067 ಕೋಟಿ ರೂ.ಗಳ ಕರೆನ್ಸಿ ಚಲಾವಣೆಯಲ್ಲಿತ್ತು. ಅದರ ಹಿಂದಿನ ವಾರಕ್ಕೆ ಹೋಲಿಸಿದರೆ ಇದು 7,352 ಕೋಟಿ ರೂ.ಗಳ ಏರಿಕೆ. ಮಾ.26ರಂದು ಈ ಮೊತ್ತ 28,58,547 ಕೋಟಿ ರೂ.ಗಳಾಗಿದ್ದವು ಎಂದೂ ಆರ್‌ಬಿಐ ದತ್ತಾಂಶ ತಿಳಿಸಿದೆ.

ಪ್ರತೀ ತಿಂಗಳೂ ಡಿಜಿಟಲ್‌ ವಹಿವಾಟು ಪ್ರಮಾಣ ಹೆಚ್ಚುತ್ತಿದ್ದರೂ ಜನರು ನಗದನ್ನು ಮನೆಯಲ್ಲಿ ಇಟ್ಟುಕೊಳ್ಳುವ ಅಭ್ಯಾಸ ಬಿಟ್ಟಿಲ್ಲ. ಕೊರೊನಾ, ಲಾಕ್‌ಡೌನ್‌ನಿಂದಾಗಿ ಜನರಲ್ಲಿ ಉಂಟಾಗಿರುವ ಅಭದ್ರತೆಯೇ ಇದಕ್ಕೆ ಕಾರಣ ಎಂದು ಬ್ಯಾಂಕರ್‌ಗಳು

ವಿಶ್ಲೇಷಿಸಿದ್ದಾರೆ.