Caught On Cam!;ಕೇರಳದ ಉತ್ಸವದ ಆನೆ ರೌದ್ರಾವತಾರ: ಹಲವರಿಗೆ ಗಾಯ: Video

Team Udayavani, Jan 8, 2025, 12:54 PM IST

ತಿರುವನಂತಪುರಂ: ಕೇರಳದ ಮಲಪ್ಪುರಂ ನ ಪುತಿಯಂಗಡಿಯಲ್ಲಿ ಬುಧವಾರ (ಜ8) ಬೆಳಗ್ಗೆ ನಡೆದ ದೇವಸ್ಥಾನದ ಉತ್ಸವದ ಮೆರವಣಿಗೆ ವೇಳೆ ಆನೆಯೊಂದು ಅಟ್ಟಹಾಸ ಮೆರೆದ ಪರಿಣಾಮ ಸುಮಾರು 17 ಮಂದಿ ಗಾಯಗೊಂಡಿದ್ದಾರೆ. ಕಾರ್ಯಕ್ರಮಕ್ಕೆ ಅಪಾರ ಸಂಖ್ಯೆಯಲ್ಲಿ ಭಕ್ತರು ಜಮಾಯಿಸಿದ್ದರಿಂದ ಈ ಘಟನೆ ನಡೆದಿದೆ.

ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಆನೆಯು ಉದ್ರೇಕಗೊಂಡು ಗುಂಪಿನ ಮೇಲೆ ಎರಗಿದೆ. ಓರ್ವ ವ್ಯಕ್ತಿಯನ್ನು ಸೊಡಿಲಿನಲ್ಲಿ ಎತ್ತಿ ಗಾಳಿಯಲ್ಲಿ ಎಸೆದ ಕ್ಷಣದ ಬೆಚ್ಚಿ ಬೀಳುವ ವಿಡಿಯೋ ಸೆರೆಹಿಡಿಯಲಾಗಿದೆ. ವ್ಯಕ್ತಿಗೆ ತೀವ್ರ ಗಾಯಗಳಾಗಿದ್ದು, ತತ್ ಕ್ಷಣ ವೈದ್ಯಕೀಯ ಚಿಕಿತ್ಸೆಗಾಗಿ ಕೊಟ್ಟಕಲ್‌ನ ಆಸ್ಟರ್ ಮಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು.

#WATCH | Malappuram, Kerala: Many people were injured when an elephant turned violent during Puthiyangadi annual ‘nercha’ at BP Angadi, Tirur

(Source: Taluk Disaster Response Force) pic.twitter.com/jlm7tCGTxf

— ANI (@ANI) January 8, 2025

ಆನೆಯನ್ನು ಅದರ ಪಾಲಕರ ನೆರವಿನಿಂದ ನಿಯಂತ್ರಣಕ್ಕೆ ತರಲಾಯಿತು ಎಂದು ತಿಳಿದು ಬಂದಿದೆ.ಭಾರಿ ಸಂಖ್ಯೆಯಲ್ಲಿ ನೆರೆದಿದ್ದ ಜನರು ಕಂಗಾಲಾಗಿ ದಿಕ್ಕಾಪಾಲಾಗಿ ಓದಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಈ ವೇಳೆ ಕಾಲ್ತುಳಿತವೂ ಸಂಭವಿಸಿದೆ.