ಹಾಡುಹಗಲೇ ಮಗುವನ್ನು ಅಪಹರಿಸಿದ ದುರಳ, ಸಿಸಿಟಿವಿಯಲ್ಲಿ ಸೆರೆ

Team Udayavani, Feb 24, 2018, 12:05 PM IST

ಮುಂಬಯಿ:  ಮುಂಬಯಿಯ ಸಾಕಿನಾಕಾ ಪ್ರದೇಶಲ್ಲಿ ನಿನ್ನೆ ಶುಕ್ರವಾರ ಎರಡೂವರೆ ವರ್ಷ ಪ್ರಾಯದ ಬಾಲಕಿಯನ್ನು ಅಪರಿಚಿತ ವ್ಯಕ್ತಿಯೋರ್ವ ಅಪಹರಿಸಿದ್ದು ಇದರ ಸಿಸಿಟಿವಿ ವಿಡಿಯೋ ಚಿತ್ರಿಕೆ ಈಗ ವೈರಲ್‌ ಆಗಿದೆ.

ವಿಡಿಯೋ ಚಿತ್ರಿಕೆಯಲ್ಲಿ ಕಂಡು ಬರುವಂತೆ ಎರಡೂವರೆ ವರ್ಷ ಪ್ರಾಯದ ಶಿರೀನ್‌ ಫಾತಿಮಾ ಎಂಬ ಬಾಲಕಿ ಅಂಗಡಿಯಿಂದ ಹೊರಹೋಗುತ್ತಿದ್ದಾಳೆ. ಆಗ ಕಡು ಕಪ್ಪು ಬಣ್ಣದ ಶರ್ಟ್‌ ಧರಿಸಿದ ಅಪರಿಚಿತ ವ್ಯಕ್ತಿಯೋರ್ವ ಮಗುವಿಗೆ ಅಡ್ಡ ಬರುತ್ತಾನೆ. ಒಡನೆಯೇ ಆತ ಮಗುವನ್ನು  ಅತ್ಯಂತ ಸಹಜ ರೀತಿಯಲ್ಲಿ  ಯಾರಿಗೂ ಶಂಕೆ ಬಾರದಂತೆ ಎತ್ತಿಕೊಂಡು ಹೋಗುತ್ತಾನೆ. 

ಮಗು ಕಾಣೆಯಾದೊಡನೆಯೇ ಮನೆಯವರು ಪೊಲೀಸರನ್ನು ಸಂಪರ್ಕಿಸಿದ್ದಾರೆ. ಮಗು ಫಾತಿಮಾ ನಾಪತ್ತೆಯಾಗಿರುವ ಬಗ್ಗೆ ತಂದೆ ಚಿಂತ್ರಾಕಾಂತರಾಗಿದ್ದಾರೆ. 

#WATCH: 2.5-year-old girl abducted from outside a shop in #Mumbai‘s Saki Naka area, was rescued by Police after 6 hours. Accused has been nabbed.(Source: CCTV, 23 February) pic.twitter.com/qu9BEJsTLY

— ANI (@ANI) February 24, 2018

ಪೊಲೀಸರು ಕೂಡಲೇ ತನಿಖೆಯನ್ನು ಆರಂಭಿಸಿ ಸಿಸಿಟಿವಿ ಚಿತ್ರಿಕೆಯನ್ನು ಪರಿಶೀಲಿಸಿದ್ದಾರೆ. ಇದನ್ನು ಆಧರಿಸಿಕೊಂಡು ಪೊಲೀಸರು ಮಗುವಿನ ಅಪಹರಣ ನಡೆದ ಕೇವಲ ಆರು ತಾಸುಗಳ ಒಳಗೆ ಅಪಹರಣಕಾರನನ್ನು ಬಂಧಿಸಿದ್ದಾರೆ.

ಮಗವನ್ನು ಅಪಹರಿಸಿದ ಖದೀಮನನ್ನು 28 ವರ್ಷ ಪ್ರಾಯದ ಸಂದೀಪ್‌ ಪರಬ್‌ ಎಂದು ಗುರುತಿಸಲಾಗಿದೆ. ಮಗುವಿನ ಅಪಹರಣದ ಹಿಂದಿನ ಉದ್ದೇಶ ಏನೆಂಬುದನ್ನು ಆತ ಇನ್ನಷ್ಟೇ ತನಿಖಾಧಿಕಾರಿಗಳ ಮುಂದೆ ಬಾಯಿ ಬಿಡಬೇಕಿದೆ.