ದಿಲ್ಲಿ ಮೆಟ್ರೋದಲ್ಲಿ ಮಹಿಳೆಗೆ ಕಿರುಕುಳ: ಆರೋಪಿ ಸೆರೆ, Watch

Team Udayavani, Nov 17, 2017, 3:52 PM IST

ಹೊಸದಿಲ್ಲಿ : ದಿಲ್ಲಿ ಐಟಿಓ ಮೆಟ್ರೋ ಸ್ಟೇಶನ್‌ನಲ್ಲಿ 25ರ ಹರೆಯದ ಮಹಿಳೆಗೆ ಲೈಂಗಿಕ ಕಿರುಕುಳ ನೀಡಿರುವುದು ಸಿಸಿಟಿವಿ ದಾಖಲಾದ ಚಿತ್ರಿಕೆಯ ಆಧಾರದಲ್ಲಿ ಕಿರುಕುಳ ನೀಡಿದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ವೃತ್ತಿಯಲ್ಲಿ ಪತ್ರಕರ್ತೆಯಾಗಿರುವ ಮಹಿಳೆಯು ತನಗೆ ಐಟಿಓ ಮೆಟ್ರೋ ಸ್ಟೇಶನ್‌ನಲ್ಲಿ  ಆ ನಿರ್ದಿಷ್ಟ ವ್ಯಕ್ತಿ ಎರಡು ಬಾರಿ ಲೈಂಗಿಕ ಕಿರುಕುಳ ಕೊಟ್ಟನೆಂದು ಪೊಲೀಸರಿಗೆ ದೂರು ನೀಡಿದ್ದಳು. 

“ಮೊದಲಲ್ಲಿ ಆತನು ಪ್ರಮಾದ ವಶಾತ್‌ ನನ್ನನ್ನು ಮುಟ್ಟಿದನೆಂದು ನಾನು ಭಾವಿಸಿದ್ದೆ. ಪುನಃ ಆ ಕ್ರಿಯೆಯನ್ನು ಆತ ಎಸಗಿದಾಗ ನನಗೆ ಸಿಟ್ಟು ಬಂತು. ಆದರೆ ಹತ್ತಿರದಲ್ಲಿ ಯಾವುದೇ ಭದ್ರತಾ ಸಿಬಂದಿ ಇರಲಿಲ್ಲ. ಅವರಿದ್ದಿದ್ದರೆ ನಾನು ಆತನನ್ನು ಅಲ್ಲೇ ಹಿಡಿದು ಅವರಿಗೆ ಒಪ್ಪಿಸುತ್ತಿದ್ದೆ’ ಎಂದು ಮಹಿಳೆ ಹೇಳಿದ್ದಾಳೆ. 

#WATCH: 25-year-old journalist molested at ITO Metro station in #Delhi on 13 November; accused arrested.(Source: CCTV) pic.twitter.com/xbkDVKBu0K

— ANI (@ANI) November 17, 2017

ನ.13ರಂದು ನಡೆದಿದ್ದ ಈ ಘಟನೆಯ ಆರೋಪಿಯನ್ನು ಪೊಲೀಸರು ಇಂದು ಶುಕ್ರವಾರ ಸಿಸಿಟಿವಿ ಚಿತ್ರಿಕೆ ಆಧಾರದಲ್ಲಿ ಬಂಧಿಸಿದರು. ಪಟಿಯಾಲಾ ಹೌಸ್‌ ಕೋರ್ಟ್‌ ಆರೋಪಿಗೆ 14 ದಿನಗಳ ನ್ಯಾಯಾಂಗ ಬಂಧನ ನೀಡಿತು. 

ಘಟನೆ ನಡೆದ ದಿನದಂದು ಅಮಲು ಸೇವಿಸಿದ ಸ್ಥಿತಿಯಲ್ಲಿದ್ದ ಆರೋಪಿ ತರುಣನು ಪತ್ರಕರ್ತೆಯನ್ನಲ್ಲದೆ ಮತ್ತೋರ್ವ ಮಹಿಳೆಯನ್ನು ಕೂಡ ಎಡತಾಕಿದ್ದ ಎಂದು ತನಿಖೆಯಲ್ಲಿ ಗೊತ್ತಾಯಿತು.