ನೀರವ್‌ ಮೋದಿ ಗಡೀಪಾರಿಗೆ ನೆರವಾಗಲು ಸಿಬಿಐ ತಂಡ ಲಂಡನ್‌ಗೆ

Team Udayavani, Mar 27, 2019, 4:06 PM IST

ಹೊಸದಿಲ್ಲಿ : ಪಂಜಾಬ್‌ ನ್ಯಾಶನಲ್‌ ಬ್ಯಾಂಕಿಗೆ 13,500 ಕೋಟಿ ರೂ. ವಂಚನೆಗೈದು, ವಿದೇಶಕ್ಕೆ ಪಲಾಯನ ಗೈದು, ಪ್ರಕೃತ ಲಂಡನ್‌ನಿಂದ ಭಾರತಕ್ಕೆ ಗಡೀಪಾರಾಗುವ ಹಂತದಲ್ಲಿರುವ ಬಿಲಿಯಾಧಿಪತಿ ವಜ್ರಾಭರಣ ಉದ್ಯಮಿ, ಘೋಷಿತ ಆರ್ಥಿಕ ಅಪರಾಧಿ, ನೀರವ್‌ ಮೋದಿಯ ಗಡೀಪಾರು ಪ್ರಕ್ರಿಯೆಗೆ ಲಂಡನ್‌ ಅಧಿಕಾರಿಗಳಿಗೆ ನೆರವಾಗುವುದಕ್ಕಾಗಿ ಸಿಬಿಐ ತಂಡವೊಂದು ಲಂಡನ್‌ಗೆ ಪ್ರಯಾಣಿಸಲಿದೆ.

ಇದೇ ಶುಕ್ರವಾರ ಲಂಡನ್‌ ಕೋರ್ಟ್‌ ಮುಂದೆ ನೀರವ್‌ ಮೋದಿಯ ಜಾಮೀನು ಕೋರಿಕೆ ಅರ್ಜಿ ವಿಚಾರಣೆಗೆ ಬರಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜಂಟಿ ನಿರ್ದೇಶಕರ ಮಟ್ಟದ ಸಿಬಿಐ ಅಧಿಕಾರಿಯೋರ್ವರಿಗೆ ಸಂಬಂಧಿತ ದಾಖಲೆ ಪತ್ರಗಳೊಂದಿಗೆ ಲಂಡನ್‌ ಗೆ ತೆರಳುವಂತೆ ಇಂದು ಬುಧವಾರ ಸೂಚಿಸಲಾಗಿದೆ.
ನೀರವ್‌ ಮೋದಿ ಗಡೀಪಾರು, ಸಿಬಿಐ ತಂಡ ಲಂಡನ್‌ಗೆ,