ಸಿಬಿಎಸ್‌ಇ ಪರೀಕ್ಷೆ: ಇಬ್ಬರಿಗೆ 499 ಅಂಕ

Team Udayavani, May 3, 2019, 6:10 AM IST

ಹೊಸದಿಲ್ಲಿ: ಸಿಬಿಎಸ್‌ಇ 12ನೇ ತರಗತಿ ಪರೀಕ್ಷೆ ಫ‌ಲಿತಾಂಶ ಪ್ರಕಟವಾಗಿದೆ. ಘಾಜಿಯಾಬಾದ್‌ನ ಹಂಸಿಕಾ ಶುಕ್ಲಾ ಮತ್ತು ಮುಝಾಫ‌ರ್‌ನಗರದ ಕರಿಶ್ಮಾ ಅರೋರಾ ಅವರು 500ರಲ್ಲಿ 499 ಅಂಕ ಪಡೆದು ಅತ್ಯಧಿಕ ಅಂಕ ಪಡೆದುಕೊಂಡ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದ್ದು, ಒಂದು ಅಂಕ ಯಾಕೆ ಕಡಿಮೆಯಾಯಿತು ಎಂದು ಪ್ರಶ್ನಿಸಿದವರೂ ಇದ್ದಾರೆ. ಇನ್ನುಳಿದಂತೆ ಕೇಂದ್ರ ಜವಳಿ ಖಾತೆ ಸಚಿವೆ ಸ್ಮತಿ ಇರಾನಿ ಪುತ್ರ ಝೋಹ್‌Å ಶೇ. 91 ರಷ್ಟು ಅಂಕ ಗಳಿಸಿದ್ದಾನೆ. ಜತೆಗೆ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌ ಪುತ್ರ ಪುಲಕಿತ್‌ ಕೇಜ್ರಿವಾಲ್‌ ಶೇ.96.4 ಫ‌ಲಿತಾಂಶ ಗಳಿಸಿದ್ದಾನೆ. ಪ್ರಸಕ್ತ ಸಾಲಿನ ಫ‌ಲಿತಾಂಶದಲ್ಲಿ ಹೆಣ್ಣುಮಕ್ಕಳೇ ಮೇಲುಗೈ ಸಾಧಿಸಿದ್ದಾರೆ. ತಿರು ವನಂತಪುರ ವಲಯ ಅತ್ಯಧಿಕ ಶೇಕಡಾವಾರು ಗಳಿಸಿದೆ. ವಿದ್ಯಾರ್ಥಿ ಗಳು ಶೇ. 79.40 ರಷ್ಟು ಪಾಸಾಗಿ ದ್ದರೆ, ಶೇ. 88.70 ರಷ್ಟು ವಿದ್ಯಾರ್ಥಿ ನಿಯರು ಪಾಸಾಗಿದ್ದಾರೆ.