ಸಮಾನ ಮೌಲ್ಯಮಾಪನ ನೀತಿ ಕೈಬಿಟ್ಟ ಸಿಬಿಎಸ್‌ಇ

Team Udayavani, Feb 4, 2018, 6:00 AM IST

ನವದೆಹಲಿ: 6 ರಿಂದ 8ನೇ ತರಗತಿಯವರೆಗೆ ಸಿಬಿಎಸ್‌ಇ ಅನುಸರಿಸುತ್ತಿದ್ದ ಸಮಾನ ಮೌಲ್ಯಮಾಪನ ನೀತಿಯನ್ನು ಕೈಬಿಡಲಾಗಿದೆ. ಈ ನೀತಿಯು ಶಿಕ್ಷಣ ಹಕ್ಕು ಕಾಯ್ದೆ (ಆರ್‌ಟಿಇ)ಯನ್ನು ಉಲ್ಲಂ ಸುತ್ತಿರುವುದರಿಂದ ಮಕ್ಕಳ ಹಕ್ಕುಗಳ ರಕ್ಷಣೆಗಾಗಿನ ರಾಷ್ಟ್ರೀಯ ಆಯೋಗ (ಎನ್‌ಸಿಪಿಸಿಆರ್‌) ವಿರೋಧ ವ್ಯಕ್ತಪಡಿಸಿತ್ತು. ಹೀಗಾಗಿ ಸಿಬಿಎಸ್‌ಇ ಈ ನಿರ್ಧಾರ ಕೈಗೊಂಡಿದ್ದು, 6 ರಿಂದ 8ನೇ ತರಗತಿಯವರೆಗೆ ಸಮಾನ ಮೌಲ್ಯಮಾಪನ, ಪರೀಕ್ಷೆ ಮತ್ತು ರಿಪೋರ್ಟ್‌ ಕಾರ್ಡ್‌ಗೆ ಸಂಬಂಧಿಸಿದ ಆದೇಶವನ್ನು ಹಿಂಪಡೆಯಲಾಗಿದೆ ಎಂದು ಆದೇಶ ಹೊರಡಿಸಿದೆ.

10ನೇ ತರಗತಿಗೆ ಮಕ್ಕಳನ್ನು 6ನೇ ತರಗತಿಯಿಂದಲೇ ತಯಾರು ಮಾಡುವ ಉದ್ದೇಶದಿಂದ ಈ ನೀತಿಯನ್ನು ಸಿಬಿಎಸ್‌ಇ ಜಾರಿಗೆ ತಂದಿತ್ತು. ಈ ಮಧ್ಯೆ 10ನೇ ತರಗತಿಗೆ ನಿರಂತರ ಮತ್ತು ಸಮಗ್ರ ಮೌಲ್ಯಮಾಪನ ವ್ಯವಸ್ಥೆಯನ್ನೂ ಕೈಬಿಡಲಾಗಿದ್ದು, ಈ ವರ್ಷದಿಂದ ಪರೀಕ್ಷೆ ವಿಧಾನ ಬದಲಾಗಲಿದೆ.