ಕೊರೊನಾ ಅನಗತ್ಯವಾಗಿ ಹೆದರುವ ಅಗತ್ಯವಿಲ್ಲ ; ಮಾಸ್ಕ್ ಧರಿಸುವವರು ಹೀಗೆ ಮಾಡಿ

Team Udayavani, Mar 17, 2020, 1:40 PM IST

ನವದೆಹಲಿ : ಎಲ್ಲೆಡೆ ಕೊರೊನಾ ವೈರಸ್ ಭಯ ಭೀತಿಯಲ್ಲಿ ಜನ ಯಾವುದನ್ನು ಕೇಳಬೇಕು, ಯಾವುದನ್ನು ಕೇಳಬಾರದು, ಯಾವ ಕ್ರಮ ಸೂಕ್ತ, ಯಾವುದು ಅಲ್ಲ ಎನ್ನುವ ಆತಂತ್ರದಲ್ಲಿದ್ದಾರೆ. ಜನರ ಈ ಭೀತಿಯನ್ನು ದೂರವಾಗಿಸಲು ಕೇಂದ್ರ ಆರೋಗ್ಯ ಸಚಿವಾಲಯ ಮುಂಜಾಗ್ರತ ಕ್ರಮವಾಗಿ ನಾವೇನು ಮಾಡಬೇಕು ಎನ್ನುವುದನ್ನು ಮಾರ್ಗದರ್ಶನ ನೀಡಿದೆ.

ನೀವು ಮುಂಜಾಗ್ರತ ಕ್ರಮವಾಗಿ ಮಾಸ್ಕ್ ಗಳನ್ನು ಧರಿಸಿಕೊಳ್ಳುತ್ತೀರಿ ಅನ್ನುವುದಾದರೆ ಹೀಗೆ ಮಾಡಿ :

• ನೀವು ತೊಟ್ಟಿರುವ ಮಾಸ್ಕ್ ಗಳ ಕೆಳಮುಖವಾಗಿರಬೇಕು.
• ಮಾಸ್ಕ್ ಗಳು ಒದ್ದೆಯಾದ ಬಳಿಕ ಅಂದರೆ ಆರು ಗಂಟೆಯ ನಂತರ ಅದನ್ನು ಬದಲಾಯಿಸುವುದನ್ನು ಮರೆಯದಿರಿ.
• ಮಾಸ್ಕ್ ಗಳನ್ನು ಸರಿಯಾದ ಕ್ರಮದಲ್ಲಿ ಹಾಕಿಕೊಳ್ಳಿ ಅಂದರೆ, ನಿಮ್ಮ ಮೂಗು, ಬಾಯಿ. ಗಲ್ಲ ಮುಚ್ಚುವಂತೆ ಹಾಕಿಕೊಳ್ಳಿ.ಯಾವುದೇ ಬದಿಯಲ್ಲಿ ಅಂತವಿರದಂತೆ ನೋಡಿಕೊಳ್ಳಿ.
• ಬಳಿಸಿದ ಮಾಸ್ಕ್ ಗಳನ್ನು ಪುನಃ ಬಳಸಬೇಡಿ, ಉಪಯೋಗಿಸಿದ ,ಮಾಸ್ಕ್ ಗಳನ್ನು ಸೋಂಕು ನಿವಾರಕಗಳಿಂದ ಶುಚ್ಚಿಗೊಳಿಸಿ ಅದನ್ನು ಕಸದ ಬುಟ್ಟಿಯಲ್ಲಿ ಹಾಕಿ ( ಮುಚ್ಚಳ ಇರುವ ಬುಟ್ಟಿ).
• ಧರಿಸಿರುವ ಮಾಸ್ಕ್ ಗಳನ್ನು ಪದೇ ಪದೇ ಕೈಗಳಿಂದ ಮುಟ್ಟುತ್ತಿರಬಾರದು ಹಾಗೂ ಮಾಸ್ಕ್ ತೆಗೆಯುವಾಗ ಅದರ ಮೇಲ್ಮೈಯನ್ನು ಮುಟ್ಟಬೇಡಿ.
• ಮಾಸ್ಕ್ ತೆಗೆದ ಬಳಿಕ ನಿಮ್ಮ ಕೈಗಳನ್ನು ಸೋಪಿನ ನೀರು ಅಥವಾ  ಸ್ಯಾನಿಟೈಸರ್ ನಿಂದ ಸ್ವಚ್ಛ ಮಾಡಿಕೊಳ್ಳಿ.