ಟಿಕೆಟ್‌ರಹಿತ ಪ್ರಯಾಣ: ರೈಲ್ವೇಯಿಂದ 1,000 ಕೋ.ರೂ. ದಂಡ ವಸೂಲಿ

Team Udayavani, Feb 23, 2022, 8:20 AM IST

ಹೊಸದಿಲ್ಲಿ: 2021-22ರ ವಿತ್ತೀಯ ವರ್ಷದಲ್ಲಿ ಭಾರತೀಯ ರೈಲ್ವೇ ಇಲಾಖೆ ಟಿಕೆಟ್‌ರಹಿತ ಪ್ರಯಾಣಿಕರಿಂದ ಸಂಗ್ರಹಿಸಿದ ಮೊತ್ತವೆಷ್ಟು ಗೊತ್ತಾ? 1017.48 ಕೋಟಿ ರೂ.!

ಎಪ್ರಿಲ್‌ನಿಂದ ಡಿಸೆಂಬರ್‌ವರೆಗಿನ ಆ ಒಂಬತ್ತು ತಿಂಗಳುಗಳಲ್ಲಿ 1.78 ಕೋಟಿ ಪ್ರಯಾಣಿಕರು ಟಿಕೆಟ್‌ ಇಲ್ಲದೇ ರೈಲು ಹತ್ತಿದ್ದಾರೆ. ಹಾಗೆಯೇ ಹಲವರು ತಮ್ಮ ಲಗೇಜ್‌ಗಳಿಗೆ ಶುಲ್ಕ ಪಾವತಿಸಿಲ್ಲ.

ಹಾಗಾಗಿಯೇ ಈ ದುಬಾರಿ ದಂಡ ಸಂಗ್ರಹವಾಗಿದೆ. ಈ ಮಾಹಿತಿ ಬಹಿರಂಗವಾಗಿದ್ದು ಮಧ್ಯಪ್ರದೇಶದ ಸಾಮಾಜಿಕ ಕಾರ್ಯಕರ್ತ ಚಂದ್ರಶೇಖರ ಗೌರ್‌ ಸಲ್ಲಿಸಿದ ಆರ್‌ಟಿಐ ಅರ್ಜಿಯಿಂದ. 2020-21ರಲ್ಲಿ ಹೀಗೆ ಸಿಕ್ಕಿಬಿದ್ದ ಪ್ರಯಾಣಿಕರ ಸಂಖ್ಯೆ 27 ಲಕ್ಷವಿತ್ತು.

ಇದನ್ನೂ ಓದಿ:ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೆರೆಗಳ ಅಭಿವೃದ್ಧಿಗೆ ಕ್ರಮ: ಮಾಧುಸ್ವಾಮಿ

2021-22ರಲ್ಲಿ ಕೊರೊನಾ ಇದ್ದರೂ ಸಂಚಾರ ಬಿಗುನಿಯಮಗಳನ್ನು ತುಸು ಸಡಿಲಿಸಲಾಗಿತ್ತು. ಆಸನ ಕಾಯ್ದಿರಿಸಲು ಆನ್‌ಲೈನ್‌ನಲ್ಲಿ ಮಾತ್ರ ಅವಕಾಶ ನೀಡಿದ್ದು ದಂಡ ಪ್ರಮಾಣ ಜಾಸ್ತಿಯಾಗಲು ಕಾರಣ.