ನಭಕ್ಕೆ ಚಿಮ್ಮದ ಚಂದ್ರಯಾನ 2 ನೌಕೆ, ಬಹುನಿರೀಕ್ಷೆಯ ಉಡ್ಡಯನ ಮುಂದೂಡಿಕೆ; ಇಸ್ರೋ

Team Udayavani, Jul 15, 2019, 10:23 AM IST

ಬೆಂಗಳೂರು: ಇಡೀ ಜಗತ್ತೇ ಕುತೂಹಲದಿಂದ ಕಾಯುತ್ತಿದ್ದ ಇಸ್ರೋದ ಬಹುನಿರೀಕ್ಷಿತ ಚಂದ್ರಯಾನ 2 ಉಡ್ಡಯನ ತಾಂತ್ರಿಕ ದೋಷದಿಂದಾಗಿ ಸೋಮವಾರ ನಸುಕಿನ ವೇಳೆ ಮುಂದೂಡಲಾಗಿದೆ ಎಂದು ಇಸ್ರೋ ತಿಳಿಸಿದೆ.

ಆಂಧ್ರಪ್ರದೇಶದ ಶ್ರೀಹರಿಕೋಟಾದ ಸತೀಶ್ ಧವನ್ ಉಡಾವಣ ನೆಲೆಯಿಂದ ಇಂದು ಮುಂಜಾನೆ 2.51ಕ್ಕೆ ಆರ್ಬಿಟರ್, ಲ್ಯಾಂಡರ್ ಹಾಗೂ ರೋವರ್ ಹೊತ್ತ ಪವರ್ ಫುಲ್ ಜಿಎಸ್ ಎಲ್ ವಿ ಎಂಕೆ 3 ರಾಕೆಟ್ ಬಾಹ್ಯಾಕಾಶಕ್ಕೆ ನೆಗೆಯಬೇಕಿತ್ತು.

A technical snag was observed in launch vehicle system at 1 hour before the launch. As a measure of abundant precaution, #Chandrayaan2 launch has been called off for today. Revised launch date will be announced later.

— ISRO (@isro) July 14, 2019

ಆದರೆ ಕೊನೇ ಕ್ಷಣದ ತಾಂತ್ರಿಕ ದೋಷದಿಂದಾಗಿ ಚಂದ್ರನ ಶೋಧ ನಡೆಸುವ ಇಸ್ರೋದ ಬಹುನಿರೀಕ್ಷೆಯ ಚಂದ್ರಯಾನ 2  ಪಯಣ ಮುಂದೂಡಿಕೆಯಾಗಿದೆ. ಅಲ್ಲದೇ ಚಂದ್ರಯಾನ 2 ಉಡ್ಡಯನದ ಮುಂದಿನ ದಿನಾಂಕ ಪ್ರಕಟಿಸುವುದಾಗಿ ಇಸ್ರೋ ತಿಳಿಸಿದೆ.

ಇಸ್ರೋದ ಚಂದ್ರಯಾನ 2 ಯೋಜನೆಗೆ ಒಟ್ಟು ವೆಚ್ಚ 990 ಕೋಟಿ ರೂಪಾಯಿ, ಇದು ಕಡಿಮೆ ಬಜೆಟ್ ನ ಮಹತ್ತರವಾದ ಯೋಜನೆಯಾಗಿತ್ತು.