ಬ್ಲ್ಯಾಕ್ ಅಂಡ್ ವೈಟ್ ದಂಧೆ; ಲಾಲು ಪುತ್ರಿ ಮಿಸಾ ಸಿಎ ಅಗರ್ ವಾಲ್ ಬಂಧನ

Team Udayavani, May 23, 2017, 3:05 PM IST

ನವದೆಹಲಿ:ಹಣ ಅವ್ಯವಹಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರ್ ಜೆಡಿ ವರಿಷ್ಠ ಲಾಲು ಪ್ರಸಾದ್ ಯಾದವ್ ಅವರ ಪುತ್ರಿ ಮಿಸಾ ಭಾರತಿ
ಸಿಎ(ಚಾರ್ಟೆರ್ಡ್ ಅಕೌಂಟೆಂಟ್) ರಾಜೇಶ್ ಅಗರ್ ವಾಲ್ ಅವರನ್ನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಮಂಗಳವಾರ ಬಂಧಿಸಿದ್ದಾರೆ.
ಹಣ ಅವ್ಯವಹಾರ ಮತ್ತು ಕಪ್ಪು ಹಣದ ದಂಧೆಯಲ್ಲಿ ಶಾಮೀಲಾಗಿರುವ ಆರೋಪದಲ್ಲಿ ರಾಜೇಶ್ ಅಗರ್ ವಾಲ್ ಅವರನ್ನು ಬಂಧಿಸಲಾಗಿದೆ
ಎಂದು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಐಎಎನ್ ಎಸ್ ಗೆ ತಿಳಿಸಿದ್ದಾರೆ.

ಎಸ್ ಕೆ ಜೈನ್ ಮತ್ತು ವಿಕೆ ಜೈನ್ ಸಹೋದರರ ನೆರವಿನೊಂದಿಗೆ  ಕಪ್ಪು ಹಣ ದಂಧೆಯಲ್ಲಿ ಅಗರ್ ವಾಲ್ ತೊಡಗಿರುವುದಾಗಿ ಇಡಿ(ಜಾರಿ
ನಿರ್ದೇಶನಾಲಯ) ಅಧಿಕಾರಿಗಳು ವಿವರಿಸಿದ್ದು, ಜೈನ್ ಸಹೋದರರನ್ನು ಮಾರ್ಚ್ 20ರಂದು ಬಂಧಿಸಲಾಗಿತ್ತು. 

ಸುಮಾರು 90 ನಕಲಿ ಕಂಪನಿಗಳು ಜಾರಿ ನಿರ್ದೇಶನಾಲಯದ ಕಣ್ಗಾವಲಿನಲ್ಲಿದೆ. ಮಿಸಾ ಭಾರತಿ ಪತಿಯ  ಮಿಶೈಲ್ ಪ್ಯಾಕರ್ಸ್ ಅಂಡ್ ಪ್ರಿಂಟರ್ಸ್ ಪ್ರೈ ಲಿ ಕಂಪನಿಗೂ ಅಗರ್ ವಾಲ್ ಸಹಾಯ ಮಾಡಿರುವುದಾಗಿ ಹೇಳಿದೆ. ಅಗರ್ ವಾಲ್ ಅವರನ್ನು ಇಂದು ಸಂಜೆ ಕೋರ್ಟ್ ಗೆ ಹಾಜರುಪಡಿಸುವುದಾಗಿ ಮೂಲಗಳು ತಿಳಿಸಿವೆ.