ಪಾಕ್ ಮುರ್ದಾಬಾದ್ ಅಂತ ಹೇಳಿ ಡಿಸ್ಕೌಂಟ್ ಪಡೆಯಿರಿ!ಗ್ರಾಹಕರಿಗೆ ಆಫರ್

Team Udayavani, Feb 21, 2019, 10:34 AM IST

ರಾಯ್ ಪುರ್: ಚತ್ತೀಸ್ ಗಢದ ಜಗದಾಲ್ ಪುರದ ಪುಟ್ಟ ಹೊಟೇಲ್ ವೊಂದರ ಮಾಲೀಕ ಗ್ರಾಹಕರಿಗೊಂದು ಆಫರ್ ಕೊಟ್ಟಿದ್ದಾನೆ…ಅದೇನ್ ಅಂದ್ರೆ ಯಾರು ಪಾಕಿಸ್ತಾನ್ ಮುರ್ದಾಬಾದ್ ಎಂದು ಹೇಳುತ್ತಾರೋ ಅಂತಹವರಿಗೆ ಒಂದು ಚಿಕನ್ ಲೆಗ್ ಪೀಸ್ ಮೇಲೆ 10 ರೂಪಾಯಿ ಡಿಸ್ಕೌಂಟ್ ಮಾಡುವುದಾಗಿ ತಿಳಿಸಿರುವುದಾಗಿ ವರದಿ ವಿವರಿಸಿದೆ.

ಎಎನ್ ಐ ನ್ಯೂಸ್ ಏಜೆನ್ಸಿ ವರದಿ ಪ್ರಕಾರ, ಫೆಬ್ರುವರಿ 14ರಂದು ಜಮ್ಮು-ಕಾಶ್ಮೀರದ ಪುಲ್ವಾಮಾದಲ್ಲಿ ಸಿಆರ್ ಪಿಎಫ್ ಯೋಧರ ಮೇಲೆ ದಾಳಿ ನಡೆಸಿರುವ ಘಟನೆಗೆ ಪಾಕಿಸ್ತಾನವೇ ಕಾರಣ ಎಂದು ಹೋಟೆಲ್ ಮಾಲೀಕ ಅನ್ಜಲ್ ಸಿಂಗ್ ಆಕ್ರೋಶ ವ್ಯಕ್ತಪಡಿಸಿರುವುದಾಗಿ ತಿಳಿಸಿದೆ.

ಪಾಕಿಸ್ತಾನಕ್ಕೆ ಯಾವತ್ತು ಮಾನವೀಯತೆಯ ಮೌಲ್ಯ ತಿಳಿಯುವುದಿಲ್ಲ..ಹೀಗಾಗಿ ಯಾಕೆ ಪ್ರತಿಯೊಬ್ಬರು ಅಂತರಾಳದಿಂದ ಪಾಕಿಸ್ತಾನ್ ಮುರ್ದಾಬಾದ್ ಅಂತ ಹೇಳಬಾರದು ಎಂದು ಪ್ರಶ್ನಿಸಿದ್ದಾರೆ. ತನ್ನ ಪುಟ್ಟ ಗಾಡಿ ಹೋಟೆಲ್ ಗೆ ಫ್ಲೆಕ್ಸ್ ಹಾಕಿ, ಅದರಲ್ಲಿ ಪಾಕಿಸ್ತಾನ ಮುರ್ದಾಬಾದ್ ಎಂದು ಹೇಳಿ 10 ರೂ. ಡಿಸ್ಕೌಂಟ್ ಪಡೆಯಿರಿ ಎಂದು ಗ್ರಾಹಕರಿಗೆ ಆಫರ್ ಕೊಟ್ಟಿರುವುದಾಗಿ ವರದಿ ಹೇಳಿದೆ.