ಛತ್ತೀಸ್‌ಗಢದಲ್ಲೊಬ್ಬ ರಾಬಿನ್‌ಹುಡ್‌ ಕಳ್ಳ.!

Team Udayavani, Dec 5, 2022, 7:35 AM IST

ಛತ್ತೀಸ್‌ಗಢದಲ್ಲಿ ಸಣ್ಣಪುಟ್ಟ ಕಳ್ಳತನ ಮಾಡುತ್ತಿದ್ದ ಕಳ್ಳನೊಬ್ಬನನ್ನು ಪೊಲೀಸರು ವಿಚಾರಣೆ ನಡೆಸುತ್ತಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ವೀಡಿಯೋ ನೋಡಿದ ಅನೇಕರು ಆ ಕಳ್ಳನನ್ನು “ರಾಬಿನ್‌ಹುಡ್‌’, “ಕ್ರಾಂತಿಕಾರಿ ಕಳ್ಳ’ ಎಂಬಿತ್ಯಾದಿ ಹೆಸರುಗಳಿಂದ ಕರೆಯತೊಡಗಿದ್ದಾರೆ. ಕಾರಣವೇನು ಗೊತ್ತಾ? ಈ ಕಳ್ಳ ಈವರೆಗೆ 10 ಸಾವಿರ ರೂ. ಕದ್ದಿದ್ದಾನಂತೆ. ಆದರೆ ಆ ಹಣವನ್ನೆಲ್ಲ ಬೀದಿನಾಯಿಗಳು ಮತ್ತು ಬೀಡಾಡಿ ಹಸುಗಳಿಗೆ ಆಹಾರ ನೀಡಲು ಮತ್ತು ಬೀದಿಬದಿಗಳಲ್ಲಿ ಚಳಿಯಲ್ಲಿ ನಡು ಗುತ್ತಾ ಮಲಗುತ್ತಿದ್ದ ಬಡವರಿಗೆ ಹೊದಿಕೆಗಳನ್ನು ವಿತರಿಸಲು ಬಳಸಿದ್ದಾನಂತೆ! ಕಳ್ಳತನ ಮಾಡುವಾಗ ಖುಷಿಯಾಯಿತು.

ಅನಂತರ, ತಪ್ಪು ಎಂದು ಅನಿಸತೊಡಗಿತು ಎಂದೂ ಕಳ್ಳ ಹೇಳಿದ್ದಾನೆ. ಇದನ್ನು ಕೇಳಿ ಪೊಲೀಸರು ನಗುತ್ತಿದ್ದ ದೃಶ್ಯಗಳೂ ವೀಡಿಯೋದಲ್ಲಿ ದಾಖಲಾಗಿವೆ. ವೀಡಿಯೋಗಾಗಿ ಗೂಗಲ್‌ನಲ್ಲಿ ಹೀಗೆ ಸರ್ಚ್‌ ಮಾಡಿ: : Chhattisgarh Thief’s Confession.