ನಿತೀಶ್‌ ಸಂಸದೀಯ ಭಾಷಣಗಳ ಸಂಕಲನ: ಗ್ರಂಥ ಬಿಡುಗಡೆ

Team Udayavani, Oct 23, 2018, 4:55 PM IST

ಪಟ್ನಾ : 67ರ ಹರೆಯದ ಬಿಹಾರ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌ ಅವರು ರಾಜ್ಯದಲ್ಲಿ ಅಧಿಕಾರ ವಹಿಸುವ ಮೊದಲಿನ ಒಂದೂವರೆ ದಶಕಗಳ ಕಾಲ ಸಂಸತ್‌ ಸದಸ್ಯರಾಗಿದ್ದ ಅವಧಿಯಲ್ಲಿ ಲೋಕಸಭೆಯಲ್ಲಿ ಮಾಡಿದ್ದ ಭಾಷಣಗಳ  ಸಂಗ್ರಹವನ್ನು ಒಳಗೊಂಡ ಗ್ರಂಥವನ್ನು ಇಂದು ಮಂಗಳವಾರ ಕಾರ್ಯಕ್ರಮವೊಂದರಲ್ಲಿ  ಬಿಡುಗಡೆ ಮಾಡಲಾಯಿತು. 

‘ವಿಕಾಸ್‌ ಕೀ ಬಾತೇಂ’ ಎನ್ನುವ ಶೀರ್ಷಿಕೆಯ ಈ ಗ್ರಂಥವನ್ನು ವಿಧಾನಸಭೆಯ ಆವರಣದಲ್ಲಿ, ರಾಜ್ಯಸಭೆಯ ಉಪಾಧ್ಯಕ್ಷ ಹರಿವಂಶ, ಉಪ ಮುಖ್ಯಮಂತ್ರಿ ಸುಶೀಲ್‌ ಕುಮಾರ್‌ ಮೋದಿ, ಅಸೆಂಬ್ಲಿ ಸ್ಪೀಕರ್‌ ವಿಜಯ್‌ ಕುಮಾರ್‌ ಚೌಧರಿ ಮುತ್ತ ಇತರ ಕೆಲವು ಹಿರಿಯ ನಾಯಕರ ಉಪಸ್ಥಿತಿಯಲ್ಲಿ ಬಿಡುಗಡೆಗೊಳಿಸಲಾಯಿತು. 

ಆದರೆ ಸ್ವತಃ ನಿತೀಶ್‌ ಕುಮಾರ್‌ ಅವರು ಈ ಸಂದರ್ಭದಲ್ಲಿ ಗೈರಾಗಿದ್ದುದು ಎದ್ದು ಕಾಣುತ್ತಿತ್ತು. ಅವರು ಬೇರೊಂದು ಕಾರ್ಯಕ್ರಮದಲ್ಲಿ ವ್ಯಸ್ತರಾಗಿರುವುದಾಗಿ ಸಂಘಟಕರು ತಿಳಿಸಿದರು. ಕಾರ್ಯಕ್ರಮಕ್ಕೆ ಮಾಜಿ ಮುಖ್ಯಮಂತ್ರಿ ರಾಬ್ರಿ  ದೇವಿ ಅವರನ್ನು ಕೂಡ ಆಹ್ವಾನಿಸಲಾಗಿತ್ತು. ಆದರೆ ಅವರೂ ಗೈರಾಗಿದ್ದರು.