Congress; ಸೋತ ನಂತರವೂ ದುರಹಂಕಾರ :ರಾಹುಲ್ ವಿರುದ್ಧ ಅಮಿತ್ ಶಾ ತೀವ್ರ ವಾಗ್ದಾಳಿ

Team Udayavani, Jul 20, 2024, 8:10 PM IST

ರಾಂಚಿ: ಪ್ರಜಾಪ್ರಭುತ್ವದಲ್ಲಿ ಗೆದ್ದ ನಂತರ ದುರಹಂಕಾರ ಬರುತ್ತದೆ, ಅಂತಹವರು(ಜೆಎಂಎಂ) ಜಾರ್ಖಂಡ್‌ನಲ್ಲಿ ಅಧಿಕಾರದಲ್ಲಿ ಇರುವುದನ್ನು ನಾವು ಅನೇಕ ಬಾರಿ ನೋಡುತ್ತೇವೆ.ಆದರೆ ಸೋತ ನಂತರವೂ ದುರಹಂಕಾರವನ್ನು ನಾನು ನೋಡಿದ್ದೇನೆ’ ಎಂದು ಕಾಂಗ್ರೆಸ್ ವಿರುದ್ಧ ಕೇಂದ್ರ ಗೃಹ ಸಚಿವ ಅಮಿತ್ ಶಾ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ರಾಂಚಿಯಲ್ಲಿ ಶನಿವಾರ ನಡೆದ ಜಾರ್ಖಂಡ್ ಬಿಜೆಪಿ ಕಾರ್ಯಕಾರಿ ಸಮಿತಿ ಸಭೆಯಲ್ಲಿ ಮಾತನಾಡಿದ ಅಮಿತ್ ಶಾ, ಚುನಾವಣೆಯಲ್ಲಿ ಗೆದ್ದವರು ಯಾರು ಎಂಬುದು ಎಲ್ಲರಿಗೂ ಗೊತ್ತು, ಆದರೆ ಕಾಂಗ್ರೆಸ್ಸಿಗಿರುವ ದುರಹಂಕಾರವನ್ನು ನಾವೆಲ್ಲರೂ ನೋಡಿದ್ದೇವೆ. ಸಂಸತ್ತಿನಲ್ಲಿ ರಾಹುಲ್ ಗಾಂಧಿ ಅವರ ಅಹ೦ಕಾರವನ್ನು ನೋಡಿದ್ದೀರಿ. ಮೂರನೇ ಎರಡರಷ್ಟು ಸ್ಥಾನಗಳನ್ನು ಗೆದ್ದ ನಂತರವೂ ಜನರು ಈ ರೀತಿಯ ದುರಹಂಕಾರವನ್ನು ಹೊಂದುವುದಿಲ್ಲ’ ಎಂದು ಕಿಡಿ ಕಾರಿದ್ದಾರೆ.

ಸಭೆಯಲ್ಲಿ ಮಾತನಾಡಿದ ಕೇಂದ್ರ ಸಚಿವ ಶಿವರಾಜ್ ಸಿಂಗ್ ಚೌಹಾಣ್, “ಅಟಲ್ ಬಿಹಾರಿ ವಾಜಪೇಯಿ ಅವರು ಮಾಡಿದ ನಮ್ಮ ಪ್ರೀತಿಯ ಜಾರ್ಖಂಡ್ ಅನ್ನು ನಾವೆಲ್ಲರೂ ನೋಡಿದ್ದೇವೆ. ಅದನ್ನು ಪ್ರಧಾನಿ ಮೋದಿ ಅವರು ಪೋಷಿಸಿದ್ದಾರೆ. ಆದರೆ ಇಂದು ಜಾರ್ಖಂಡ್ ಎಲ್ಲಿ ತಲುಪಿದೆ ಎಂದು ನೋಡುವುದು ನನಗೆ ನೋವುಂಟುಮಾಡುತ್ತದೆ. ಇಂದು ಜಾರ್ಖಂಡ್ ವಿನಾಶದತ್ತ ಸಾಗುತ್ತಿದೆ. ಜೆಎಂಎಂ ಎಂದರೆ ಲ್ಯಾಂಡ್ ಮಾಫಿಯಾ, ಮರ್ಡರ್ ಮಾಫಿಯಾ ಮತ್ತು ಮೈನಿಂಗ್ ಮಾಫಿಯಾ. ನೀವು ಹೇಳಿ, ಇಲ್ಲಿ ಮರಳು ಲಭ್ಯವಿದೆಯೇ? ಬಡವನಿಗೆ ಮನೆ ಕಟ್ಟುವುದು ಕಷ್ಟವಾಗುತ್ತಿದೆ’’ ಎಂದರು.